Славян суругун-бичигин күнэ онлайн ыытыллыаҕа

Бөлөххө киир:

Славян суругун-бичигин, култууратын күнүн ыам ыйын 24 күнүгэр онлайн эрэсииминэн бэлиэтиибит диэн култуура министиэристибэтэ иһитиннэрэр.

edersaas.ru

Ол курдук, бу күн Национальнай художественнай мусуой “Истории в багете” онлайн-рубрикатын, Национальнай бибилэтиэкэ виртуальнай быыстапканы, “Арассыыйа – мин историям” историческай паарка славян суругун-бичигин туһунан электроннай экскурсияны көрдөрүөхтэрэ.

ХИФУ филологическай факультетын устудьуоннара, преподавателлэрэ уонна аҕыйах ахсааннаах хотугу норуоттар бэрэстэбиитэллэрэ Арктикаҕа былыргыттан олохсуйбут нуучча дьонун остуоруйаларын ааҕыахтара.

Саха” тэлэбиидэнньэтигэр уонна социальнай ситимнэргэ бырааһынньыктааҕы кэнсиэртэр буолуохтара. Манна Өксөкүлээх аатынан Норуоттар доҕордоһууларын дьиэтин, Саха сирин филармониятын симфоническай хорун артыыстара, Нерюнгритээҕи оҕо музыкальнай-хоровой оскуолатын иитиллээччилэрэ кыттыахтара.
Ону тэҥэ, славянныы азбуканы айбыт Кирилл уонна Мефодий туһунан биэриилэр тахсыахтара, эпииргэ “Сказка о цре Салтане” театральнай туруоруу, “Князь Игорь” опера көстүөхтэрэ.

Ангелина Васильева, “Саха сирэ” хаһыат, edersaas.ru

Хаартыска: filarmony.ru

+1
0
+1
0
+1
0
+1
0
+1
0
+1
0
+1
0