Дьокуускайга Автодорожнай уулусса 19-с №-дээх дьиэтигэр баар сир учаастагын араарыы боппуруоһун публичнай истиигэ көрүөхтэрэ. 2020 сыл олунньу 13 күнүгэр Дьокуускай куорат дьаһалтатын иһинэн үлэлиир хамыыһыйа «Монолит-Строй» ХЭТ 1 уонна 2 уочараттаах тутуутун сирин учаастагын араарарга бырайыакка уларыйыы киирэрин көрдүлэр.
Публичнай истии түмүгүнэн боротокуол уонна түмүк оҥоһуллан, 10 күн иһигэр сири былаанныырга уонна араарга дьаһал тахсыахтаах. Онтон «ГлавАПУ» 7 күн иһигэр «ИНГЕО» судаарыстыбаннай информационнай ситимҥэ тустаах иһитиннэрии киллэриэхтээх.
Ол кэнниттэн “Сир сыһыаннаһыыларыгар ааҕыныстыба” бигэргэтиллибит бырайыакка олоҕуран, сир учаастагын кыраныыссатын уларытар. Кадастровай үлэ 10 күн, ЕГРН регистрацията 10 күн, сир учаастагын бас билээччилэри кытта куортам дуогабарыгар эбии сөбүлэһии 20 күн оҥоһуллар.
Өлүүлэһэн тутуу кыттааччылара сир учаастагын араарыы туһунан сиһилии иһитиннэриини маннык аадырыска билсиэхтэрин сөп: Дьокуускай куорат, Орджоникидзе уул. 33/1, төл.: (4112) 31-90-39, электроннай пуочта: info@regfond14.ru. Ол туһунан өлүүлэһэн тутууга киирбит дьон интэриэһин көмүскүүр өрөспүүбүлүкэтээҕи пуонда пресс-сулууспата иһитиннэрэр.
«Саха сирэ», edersaas.ru