Сибэкки ыһыаҕа

Бөлөххө киир:

Дьокуускайга Былатыан Ойуунускай аатынан литература судаарыстыбаннай түмэлэ, СӨ Айылҕа харыстабылын министиэристибэтэ бэс ыйын 20 күнүгэр Сибэкки ыһыаҕын тэрийэр. Бу түһүлгэ тулалыыр эйгэҕэ, кэрэ айылҕаҕа харыстабылы күүһүрдэр, улаатыннарар, эдэр ыччаты угуйар, ыҥырар сыаллаах-соруктаах ыытыллар. Ыһыахха сылдьыбыт дьон билиилэрин-көрүүлэрин хаҥатыахтара, туһалаах сүбэни-аманы ылыахтара диэн түмэлтэн иһитиннэрдилэр.  


Үөрүүлээх күн Евдокия Гаврильева-Сибэкки Дьэбдьиэй сибэккини олордууга «Саха сиригэр сибэкки үүннэрэргэ туһалаах сүбэлэр» диэн тиэмэҕэ маастар-кылаас ыытыаҕа, сүбэ-ама биэриэҕэ. Салгыы үрдүк категориялаах терапевт-быраас, оҕуруот олордооччу Татьяна Логлорова  «Цветы в искусстве, музыке и литературе из собрания картин эрмитажа, произведений поэтов» тиэмэҕэ маастар-кылааһа ураты кэрэ санааны уһугуннарыа. Түһүлгэ ыалдьыттарын М.К.Аммосов аатынан ХИФУ доцена, биология наукатын кандидата Изабелла Матвеева- Алаас Хотунун айымньыларыгар сибэкки эгэлгэтин, айар үлэтин туһунан сэһэргэһии күүтэр. Саха сиригэр үүнэр кэрэ сибэкки — сардаана туһунан ХИФУ ботаническай саадын дириэктэрин научнай үлэҕэ солбуйааччы, биология наукатын кандидата Саргылаана Борисова «Лилии Якутии» диэн тиэмэҕэ сонун, сэргэх кэпсэтиини оҥоруо, бу кэрэ-мааны сибэкки туһунан эһиэхэ элбэҕи билиһиннэриэ.  «Агротехнологическай үөрэхтээһиҥҥэ, экологияҕа уонна туризмҥа научнай-үөрэтэр киин» СӨ эбии үөрэхтээһиҥҥэ САТ ландшафтнай дизайҥҥа уонна тыа хаһаайыстыбатын үлэтигэр уопуту оҥоруу лабораториятын сэбиэдиссэйэ Полина Яковлева «Юннат үөрэтэр-методическай полигонун холобуругар ландшафтнай дизайн» диэн олус интэриэһинэй тиэмэҕэ уопут атастаһыа. Бу туһалаах тэрээһиҥҥэ ким баҕалаах үлэ үөрүйэҕин, билиитин-көрүүтүн үллэстиэ, санаатын сайа этиэ. Ыалдьыттарга анаан СӨ Национальнай бибилэтиэкэтэ бэртээхэй быыстапканы тэрийиэ.

Сибэкки ыһыаҕа Былатыан Ойуунускай аатынан литература судаарыстыбаннай түмэлигэр ыытыллар. Киириитэ:  улахан дьоҥҥо — 100 солкуобай, оҕолорго — 50 солкуобай.

+1
0
+1
0
+1
0
+1
0
+1
0
+1
0
+1
0