М.С.Щепкин аатынан үрдүкү театральнай училище бэрэстэбиитэллэрэ бу күннэргэ Дьокуускайга кэлэн, алтыс устуудьуйаҕа оҕолору сүүмэрдээтилэр. Бу аатырбыт театральнай үөрэххэ артыыс буолуон баҕалаах дьон бары үөрэниэн баҕарар.
Мария Кобельянова-Тускулаана, edersaas.ru
Алтыс устуудьуйаҕа биһиги биир дойдулаахтарбыт, кэскиллээх ыччаттарбыт — Хадантан Вова Дормидонтов, Дьаархантан Аида Еремеева уонна Иван Кузьмин киирдилэр. Биһиги кинилэринэн киэн туттабыт уонна кытаатан үчүгэйдик үөрэниэхтэрэ диэн эрэнэбит.
Дьаархантан икки оҕо киириитэ улахан ситиһии! Бу манна «Одун» образцовай үҥкүү ансамбылын уһуйуута улахан үөрэҕи биэрбитэ саарбаҕа суох. Онон саамай үөрэ сылдьар киһинэн уһуйааччылара Василий Васильев буолар. Оҕолорго эҕэрдэ, уһуйан таһаарбыт учууталларга махтал. Вова, Аида, Иван кытаатыҥ, ситиһиилэри!
Мария Кобельянова-Тускулаана, edersaas.ru саайтка анаан
+1
+1
+1
+1
+1
+1
+1