Төрүт Сокуоҥҥа эбии көннөрүүлэри киллэриинэн сибээстээн, бу күннэргэ дьон интэриниэти хасыһан, бу тиэмэни ордук интэриэһиргээн ааҕар, билсэр буолла.
edersaas.ru
Кэрэхсэбиллээҕэ баар, үүнэр көлүөнэни кытта үлэлии сылдьар ыччат дьон интэриэһиргиир, анаарар, толкуйдуур. Ол курдук, үөрэхтээһин бырайыактарыгар үлэлэһэр эдэр педагог Семен Посельскай санаатын маннык тиэртэ:
— Мин бэлиитикэттэн ыраахпын, орооһо да сатаабаппын. Ол гынан баран, соторутааҕыта интэриниэккэ киирэн көрдүм итиэннэ оҕону кытта кэскиллээх бырайыактары оҥорорго үлэлэһэр педагог быһыытынан, Төрүт Сокуоҥҥа оҕоҕо уонна дьиэ кэргэҥҥэ туһаайыллыбыт 114-с ыстатыйаҕа эбии көннөрүүнү сэргээтим. Онно урукку сокуоҥҥа көннөрүүгэ, үөрэхтээһин салаатыгар бырабыыталыстыба кэлим социальнай туһаайыылаах судаарыстыбаннай бэлиитикэ ыытылларын хааччыйыахтаах диэн эбии киирбит. Бу этиигэ сыһыаннаан, мин үөрэх эйгэтигэр биир кэлим эксээмэн оннугар оҕо сатабыла, бырайыактыыр үлэҕэ бэлэмин таhымыгар болҕомтону ууруу наада дии саныыбын.
Елена ПОТОЦКАЯ, «Саха сирэ» хаһыат, edersaas.ru