Сэбиэскэй Сойуус Дьоруойа Николай Кондаков аатынан бириэмийэ лауреаттара ааттаннылар

Ааптар: 
Бөлөххө киир:

Сибээс уонна Араадьыйа күнүн «Саха» НКИХ үлэһиттэрэ, үгэс быһыытынан, Сэбиэскэй Сойуус Дьоруойа, араадьыйа суруналыыһа Николай Кондаков пааматынньыгар сибэкки дьөрбөтүн ууран бэлиэтииллэрэ, бэтэрээннэрин чиэстииллэрэ.

edersaas.ru

Ол эрээри,  бүгүҥҥү күҥҥэ аан дойдуга коронавирус сытыганнаах дьаҥа өрө туран, дьиэҕэ олоруу эрэһиимэ кытаанахтык тутуһуллар буолан, бырааһынньыктааҕы үөрүүлээх тэрээһин ыытыллыбата.

Төһө да уустук балаһыанньа буолбутун иһин, Улуу Кыайыы 75 сылынан, «Саха» НКИХ генеральнай дириэктэрэ Олег Марков, «Тэтим» араадьыйа дириэктэрэ Николай Бястинов, Сэбиэскэй Сойуус Дьоруойа Николай Кондаков аатынан  Ил Дархан бириэмийэтин 2017 сыллааҕы лауреата Альбина Тарабукина бары ирдэбили тутуһан туран, Сэбиэскэй Сойуус Дьоруойа Николай Кондаков пааматынньыгар өйдөбүнньүк веногу уонна сибэкки дьөрбөтүн уурдулар.

Бүгүн, Араадьыйа күнүгэр, үгэс быһыытынан сыл аайы туттарыллар Сэбиэскэй Сойуус Дьоруойа Николай Кондаков аатынан  Ил Дархан бириэмийэтин 2020 сыллааҕы лауреаттарынан Саха араадьыйатын литературнай эрэдээксийэтин эрэдээктэрэ   Ангелина Шадринова уонна режиссер Анна Пудова буоллулар. Бочуоттаах аакка тиксибит биир идэлээхтэрин «Саха» НКИХ иллээх кэлэктиибэ коронавирус пандемията аастаҕына анаан чиэстиэҕэ.

Елена ПОТОЦКАЯ, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0