Дойду сүрүн баана саҥа тутуллубут дьиэлэргэ кирэдьиит бырыһыанын бу сайын кыччатарын туһунан Герман Греф аахсыйалаахтар сыллааҕы мунньахтарыгар иһитиннэрдэ. Ол курдук, хамнастарын Сбербаан картатыгар ылар дьоҥҥо 9,1%, атыттарга 9,4% ипотека биэриэхтэрэ. Оттон олохторун страховкалаабыт уонна дохуоттарын бигэргэппит дьоҥҥо 7,1-9,5% кирэдьиит олохтонуо.
edersaas.ru
Атырдьах ыйа бүтүөр диэри анал аахсыйа ыытыллан, 3,8 мөлүйүөнтэн элбэҕи ылар дьоҥҥо ити ыйыллыбыт бырыһыан өссө кыччаан, 6,7-9,1 % диэри тиийиэҕэ.
Сбербаан ипотека базовай бырыһыанын аан бастаан 9% аллараа түһэрэн эрэр. «Биһиги картабытыгар хамнас ылар дьоҥҥо 8,7% ипотека биэриэхпит. Саамай намыһах бырыһыан 7-6,7 % тутааччылары кытта кыттыгас бырагыраамабытыгар баар буолуоҕа», — диэн билиһиннэрдэ Сбербаан салайааччыта.
Марианна Тыртыкова, «Саха сирэ», edersaas.ru
+1
+1
+1
+1
+1
+1
+1