Сардаана Авксентьева суһал штаб cүбэ мунньаҕын ыытта

Ааптар: 
Бөлөххө киир:

Бүгүн Сардаана Авксентьева видео сибээһинэн гражданскай оборона уонна ыксаллаах быһыы-майгы куораттааҕы суһал штабын сүбэ мунньаҕын ыытта.

edersaas.ru

Сүбэ мунньахха куорат дьаһалтатын салааларын салайааччылара, уокуруктар уонна чугастааҕы бөһүөлэктэр баһылыктара, күнү-дьылы кэтээн көрөр сулууспа итиэннэ «Водоканал» АУо эппиэттээх үлэһиттэрэ кытыннылар.

Суһал штаб начальнига Виталий Бобинов иһитиннэрбитинэн, уу таһыма билиҥҥитэ кутталлаах кирбииттэн намыһах. Холобур, Табаҕаҕа уу кутталлаах кирбиигэ үс миэтэрэ тиийбэт. Икки сиргэ, Даркылаахха уонна Хаҥалас туһумугар, постар олохтоммуттар, кэтээн көрүү ыытыллар, дьуһуурустуба тэриллибит. Муус харан, уу ылар кутталлаах балаһыанньа үөскүүр түбэлтэтигэр, дьону куттала суох, быстах олордор сиргэ таһаарыы, эвакуациялыыр дьаһаллар тэриллиэхтээхтэр.

Сардаана Авксентьева куорат дьаһалтатын салааларын салайааччыларыгар, уокуруктар уонна чугастааҕы бөһүөлэктэр баһылыктарыгар уу хайдах ааһарын төгүрүк суукка устата кэтииргэ-маныырга эттэ. Суһал штаб аныгыскы сүбэ мунньаҕын сарсын болдьоото диэн киин куорат дьаһалтата иһитиннэрэр.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0