Сайыҥҥы сынньалаҥ туһунан
Олох-дьаһах

Сайыҥҥы сынньалаҥ туһунан

Ил Дархан Айсен Николаев бүгүҥҥү быһа биэриигэ уопсайынан сайыҥҥы сынньалаҥнар тустарынан ыйытыыларга эмиэ хоруйдаата.

Бастатан туран,  оҕолор сынньалаҥнарыгар сыһыаннаан, бастакы сезон дистанционнай буолуоҕун эттэ. Ол эбэтэр, коронавирус дьаҥыттан-дьаһаҕыттан өссө да сэрэнэр-сэрбэнэр, харыстанар наадата көстөр. Онон ыарыыны тарҕаппат туһуттан итинник ньыманан  сайыҥҥы сынньалаҥ саҕаланара ордук буолан тахсар. Үлэтэ бэс ыйын ортотуттан саҕаланар. Иккис сезону, Ил Дархан,  өскөтүн коронавирус дьаҥа бохсуллан, балаһыанньа этэҥҥэ буолар түгэнигэр,  күнүскү уонна кэтэхтэн буолуоҕун сөп диэтэ. Оттон үһүс сезон, иннин тымтыктанан көрбүт суох, ол эрээри, балаһыанньа этэҥҥэ буоллаҕына диирбитигэр тиийэбит,  күнүскү сынньалаҥ буолуон сөп курдук, билиҥҥитэ.

Бу сайын ханна эмэ сынньана барар хайдаҕа буолла диэн мунааран, Ил Дархантан сүбэ көрдөөччүлэр, кини санаатын билэ сатааччылар эмиэ суох буолбатылар. Айсен Сергеевич манна тус санаатын үллэһиннэ. Кини чугастааҕы кэмҥэ курортка барары, ханныгын да иһин былааннаабат ордук буолуо этэ диэн эттэ. Ол гынан баран, коронавирус дьаҥа бохсуллан, сайын кыраныысса аһыллара буолуо диэн санаалааҕын биллэрдэ.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

13 − один =