Сайдыы саҕаҕын арыйар ыйаах таҕыста!

Ааптар: 
Бөлөххө киир:

Айсен Николаев Арктика социальнай-экэнэмиичэскэй сайдыытын Стратегиятын бигэргэтэр туһунан ыйаахха илии баттаата.

edersaas.ru

Александра Слепцова, Дьааҥы улууһун Барылас олохтооҕо (быһа сибээскэ төлөпүөнүнэн):

Өрөспүүбүлүкэ салалтата уһук хотугу сир сайдыытыгар болҕомтотун күүскэ уурбута үөрдэр. Ол курдук, ааспыт өттүгэр Лаптевтар муораларыгар сытар биэс эрэ улуус федерация таһымынан Арктика зонатыгар киирсэр буоллахтарына, Айсен Николаев күүстээх туруорсуутунан былырыын биһиги эбии аҕыс хотугу улуус, ол иһигэр биһиги Дьааҥыбыт, эмиэ Арктика зонатыгар киллэрилиннилэр. Соторутааҕыта Ил Дархан Табаһыт күнүн олохтуур туһунан ыйааҕы таһаарбыта, аны бүгүн Арктика социальнай-экэнэмиичэскэй сайдыытын Стратегиятын бигэргэтэр туһунан ыйаахха илии баттаата. Бу Страгегия оҥоһулла сылдьарын биһиги истэр-билэр этибит, барылы дьүүллэһиигэ кыттыбыппыт уонна тыа хаһаайыстыбатыгар сыһыаннаах кэккэ этиилэри оҥорбуппут. Ол бүгүн бигэргэннэ.  Мин бэйэм саха сүөһүтүн иитэр бааһынай хаһаайыстыба тэринэн үлэлиибин, төһө даҕаны ойуур баһаара мэһэйдээтэр кыстыыр оппутун хааччынан, үөрэн олоробут.  Ол сэмэй  үөрүүбүн Ил Дарханым ыйааҕа  өссө үрдэттэ! Тыйыс айылҕалаах хоту сиргэ сайдыы саҥа саҕаҕа арылынна!

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0