Ыам ыйын 25 күнүттэн бэс ыйын 3 күнүгэр диэри СӨ сайдыытын корпорацията, Үүнэр көлүөнэ фондата, Үөрэх уонна наука министиэристибэтэ, «Юные якутяне» өрөспүүбүлүкэтээҕи ресурснай киин «Skills Camp» диэн Үүнэр көлүөнэ паркатын үөрэтэр киин пилотнай бырагырааматыгар сайаапканы хомуйан саҕалаатылар.
Бырагыраама сыала — эбии үөрэхтээһин салаатыгар аныгы үөрэх бырагыраамаларын киллэрии, оҕолорго аныгы толкуйу, урбаанньыт сатабылын инэрии буолар. Бырагыраамаҕа үөрэх үлэһиттэрэ, педагогтар, эбии үөрэхтээһин мэтэдиистэрэ, экспиэртэрэ кыттыахтарын сөп.
«Skills Camp» бырагыраама федеральнай экспиэртэр кыттыылаах икки хайысханан ыытыллар.
Бэс ыйын 10 күнүттэн атырдьах ыйын 9 күнүгэр диэри кыттааччылар акселерация ааһан, саҥа бырагыраамалары арыйыахтара эбэтэр баар бырагыраамалары кытары үлэлииргэ үөрэниэхтэрэ. Бастыҥ үлэлэр иккис түһүмэххэ тахсан, атырдьах ыйыттан саҕалаан алтынньыга диэри миэстэтигэр буолар тэрээһиҥҥэ көрүллүөхтэрэ.
«Skills Camp» бырайыак түмүгүнэн 10-тан аҕыйаҕа суох оҕолорго саҥа сатабыллары иҥэрэр үөрэтэр бырагыраамалар үлэлээн саҕалыахтара, 500 кэриҥэ оҕо аныгы ньымаларга үөрэниэхтэрэ. Бастыҥ үөрэтэр бырайыактар үүнэр көлүөнэ паркатын үөрэтэр киинин партнердуу ситимигэр киириэхтэрэ.
Сиһилии http://skills-camps.com/
Сайаапканы биэрии: https://bit.ly/2AScoyg
Үүнэр көлүөнэ фондатын пресс-сулууспата.
Хаартыска: best-camp.ru