СӨ Экология, айылҕаны туһаныы уонна ойуур хаһаайыстыбатын миниистирэ Сахамин Афанасьев «Сахамедиа РИИХ» АУо «Бэтэрээҥҥэ сурут» аахсыйатын өйүүр.
Улуу Кыайыы 75 сылын көрсө миниистир айылҕа харыстабылыгар бэриниилээхтик үлэлээбит бэтэрээннэргэ, Аҕа дойду улуу сэриитин кыттыылаахтарыгар 2020 сылга «Саха сирэ» хаһыаты сурутан бэлэх уунна. Онон үүнэр сыл саҥатыттан «Саха сирэ» хаһыаты Карсанаев Петр Терентьевич (Дьокуускай), Степанов Прокопий Афанасьевич (Сунтаар, Сиэйэ), Павлов Кирилл Егорович (Дьокуускай) уонна Григорьев Яков Петрович (Бүлүү, Киров) тутуохтара.
Санатан эттэххэ, «Сахамедиа РИИХ» тэрийбит, көҕүлээбит аахсыйатыгар ким баҕалаах кыттыһан, «Саха сирэ» уонна «Якутия» хаһыаттары Аҕа дойду улуу сэриитин кыттыылаахтарыгар, тыыл бэтэрээннэригэр, сэрии сылларын оҕолоругар бэлэх уунуон сөп.
Ытык кырдьаҕастар сибиэһэй сонуну, тапталлаах Сахаларын сирин, төрөөбүт төрүт дойдуларын олоҕун-дьаһаҕын, үлэтин-хамнаһын, дьонун-сэргэтин туһунан ааҕан билэ-көрөр олорор, аралдьыйар, санааларын үллэстэр, доҕор оҥостор хаһыаттарын «Бэтэрээҥҥэ сурут» аахсыйаҕа кыттыһан сурутан биэрдэххинэ, бу буолуо, кинилэргэ эн дьоһун бэлэҕиҥ.
Сахамин Афанасьев эстэпиэтэни Дьокуускай куорат Дууматын спикеригэр Альберт Семеновка туттарда.
«Бэтэрээҥҥэ сурут» аахсыйаҕа кыттыс!
+1
+1
+1
+1
+1
+1
+1