САХАЛЫЫ ГОРОСКОП (ЫАМ ЫЙЫН 28—БЭС ЫЙЫН 3 КҮННЭРЭ)

Ааптар: 
Бөлөххө киир:

ХОЙ. Дьиэ иһинээҕи кыра, бытархай мэһэйдэртэн санааҕын түһэримэ. Оҕолоргун кытары кыратык тыл тылга киирсимиэххин сөп.  Оҕуруот үлэтинэн, дьиэ иһин-таһын бэрээдэктээһининэн, кыра ол-бу тутуунан, тэпилииссэни саҥардыынан дьарыктаннаххына, уоскуйуоҥ. Доруобуйаҕар улахан болҕомтоҕун уур.  Дьиэҕэр да, үлэҕэр да улахан боппуруоһу быһаарсыахтаах буоллаххына, нэдиэлэ бүтүүтүгэр көһөрөрүҥ ордук.

ОҔУС. Бу нэдиэлэттэн саҕалаан үлэҕэр да, тус олоххор да элбэх уларыйыы, саҥа сүүрээн сыыйа киириэ.  Иирсээнтэн, мөккүөртэн дьалты тутун. Ким эмэ туһунан кистээн кэпсэтэллэригэр кыттыһыма. Ылсыбыккын тиһэҕэр тиэрдэргэ дьулус. Барытыгар бэйэҥ күүскэр эрэн. Туораттан көмө эрэйэн бириэмэҕин халтайгы ыытыаҥ. Түүлгэр болҕомтолоох буол. Тугу көрбүккүн-билбиккин чугас дьоҥҥор кэпсээ, сүбэлэт.

ИГИРЭЛЭР. Урут үөскээбит кыһалҕа көүрэйэн кэлиэ. Бу сырыыга ону уталыппакка быһаар. Оччоҕо олоххор, үлэҕэр саҥа суол арыллан кэлиэ. Ыраахтан сонун истиэҥ. Умнубут дьоҥҥун көрсө түһүөҥ. Дьыалабыай кэпсэтиини нэдиэлэ ортотугар оҥордоххуна, табыллыаҥ. Дьоҥҥор-сэргэҕэр болҕомтоҕун уур. Кинилэргэ көмөлөс, өйөө. Аҕам саастаах аймахтаргын көрүс, санааларын, тугу этэллэрин болҕой.

АРААК.  Бу күннэргэ үп-харчы боппуруоһа хаһааҥҥытааҕар да тупсуо. Уруккуттан ыра санаа оҥостубутуҥ туолуо. Квалификацияҕын үрдэтиэххин, кууруска үөрэниэххин сөп. Сэрэдэҕэ эбии харчы эбэтэр өр күүппүт бириэмийэҕин тутан үөрүөҥ. Чугас дьонуҥ эн болҕомтоҕор наадыйалларын умнума. Өрөбүллэргин кинилэри кытары атаар. Сибиэһэй салгыҥҥа сылдьыыҥ, хаамыы-сиимии, сэрээккэ настарыанньаҕын көтөҕүөхтэрэ, күүс-уох биэриэхтэрэ.

ХАХАЙ. Биир санаалаахтаргын кытары ирэ-хоро сэһэргэс. Кинилэртэн элбэҕи истиэҥ, билиэҥ. Ол үлэҕин сайыннараргар көмөлөөх буолуоҕа. Сэрэдэҕэ-чэппиэргэ салалтаҥ этэрин болҕойон иһит. Салалтаҥ этэрин утарыма. Сотору бириэмийэ эбэтэр бэлэх, кэһии тутуоҥ. Аҕам саастаах аймахтаргын кытары көрүс эбэтэр төлөпүөнүнэс сибээстэс. Ыраахтан сонун истиэҥ. Хаһан эрэ алтыспыт киһигин соһуччу көрсүөҥ.

КЫЫС. Дьыалабыай кэпсэтииҥ табыллыа, санааҥ хоту салаллыа. Үлэҕэр дуоһунаһыҥ үрдүөн сөп. Бииргэ үлэлиир дьонуҥ ортотугар ураты ситиһиилээхтик көстүөҥ. Ол гынан баран, ис санааҕын, былааҥҥын кинилэргэ толору арыйыма. Онтон нэдиэлэ ортотугар үлэҕин салгыы сайыннараргар суолталаах, олус наадалаах дьону кытары билсиэҥ. Кыраадыстаах утахтан аккаастан. Доруобай, чөл олоҕу тутус.

ЫЙААҺЫН. Туруоруммут сыалгын-соруккун ситиһэргэ кыһалын. Олус нуойдуур, эбээһинэстэрин эйиэхэ көлбөрүтэр дьоҥҥо аккаастыы үөрэн. Бу нэдиэлэ сэрэдэтэ эйиэхэ барытыгар ситиһиилэри тосхойор ураты күн. Бу күн уһун болдьохтоох хантараак түһэрсиэххин, дьыалабыай кэскиллээх кэпсэтиини оҥоруоххун  сөп. Ыраахтан ыалдьыттары күүт. Доруобуйаҕын умнума.

СКОРПИОН. Нэдиэлэ саҥатыттан бииргэ үлэлиир, уруккуттан билэр дьонуҥ туһунан боппуруос күөрэйэн кэлиэҕэ. Уһуну-киэҥи толкуйдаан саҥар. Онуоха олоххор-дьаһаххар уларыйыылар эмиэ күүтэллэр. Нэдиэлэ бүтүүтүн диэки чугас эргин айанныаххын сөп. Ол эрээри, онно балачча харчы наада буолан туруо. Чугас дьонуҥ доруобуйаларыгар болҕомтоҕун уур. Ыраахтан сонун истиэҥ.

ОХЧУТ. Эрэммит дьонуҥ бу күннэргэ эйигин улаханнык соһутуохтарын, хомотуохтарын, түһэн биэриэхтэрин сөп. Былааҥҥын, сонун көрүүлэргин ыһа-тоҕо кэпсээмэ. Дьиэҕэр барыта этэҥҥэ. Оҕолоргор, дьиэ кэргэҥҥэр, чугас доҕоргор болҕомтоҕун уур. Өрөбүллэргэ сибиэһэй салгыҥҥа кинилэри кытары сынньаныыҥ үчүгэйи, или-эйэни аҕалыа. Үп-харчы боппуруоһа үчүгэй.

ЧУБУКУ. Үпкүн-харчыгын хонтуруоллууруҥ, ыспатыҥ-тохпотуҥ, саракамаайдаабатыҥ наада буолбут. Ымсыырбыккын атыылаһан иһимэ. Ордук кирэдьииттээхтэр харчы боппуруруоһун умнумаҥ. Доруобуйаҥ этэҥҥэ. Түүлгүн кимиэхэ да кэпсээмэ. Сотору үчүгэй сонуну истиэҥ. Ыраахтан аймахтарыҥ күүлэйдии кэлиэхтэрэ. Нэдиэлэ бүтүүтэ эбии харчылаһар этии киирдэҕинэ, аккаастаныма.

КҮРҮЛГЭН. Бириэмэни көрдөөхтүк атаарарга, истиҥ көрсүһүүгэ, кэпсэтиигэ үчүгэй кэмнэр үүммүттэр. Элбэхтик сынньан, кэнсиэртэргэ, испэктээкиллэргэ, киинэҕэ сырыт.  Сибиэһэй салгынынан тыын. Дьиэ кэргэннээхтэр өрөбүллэргитин бииргэ атаарыҥ. Онтон соҕотох сылдьааччылары ураты истиҥ билсиһии күүтэр. Бу билсиһии кэскиллээх буоларыгар эрэн.

БАЛЫКТАР. Үлэҕэр хаһааҥҥытааҕар да болҕомтоҕун уур. Бэрт кыраттан сылтахтанан, соччо бэрдэ суох түгэннэр буолуохтарын сөп. Кэннигиттэн саҥарааччылар баар буолуохтара. Нэдиэлэ ортотугар көрсүһүүгэ, эрэстэрээҥҥэ, кафеҕа, киинэҕэ ыҥырыахтара. Онно бараргын, барбаккын үчүгэйдик толкуйдууруҥ наада. Доруобуйаҕын умнума. Үп-харчы боппуруоһа этэҥҥэ.

+1
0
+1
0
+1
0
+1
0
+1
0
+1
0
+1
0