ХОЙ. Үлэҕин таһынан сорудах сүктэриллибитин кыайа-хото тутуоҥ. Бу нэдиэлэ дуоһунаһыҥ уонна саҥа таһымҥа тахсыыҥ боппуруостарынан толору буолуоҕа. Үп-харчы боппуруоһа сытыытык туруоҕа. Харчыгын, карточкаҕын көрө-истэ сырыт. Харчыгынан ыскайданыма. Эйигин араастаан үтэн-анньан көрөөччүлэр баар буолуохтара. Нэдиэлэ бүтүүтүгэр эбии харчылаһар кыах көстүөн сөп. Ыраах баар аймахтарыҥ эн көмөҕөр наадыйыахтара. Субуота күн бытаарбатаххына, үлэҕэр да, тус бэйэҥ дьыалаҕар да бэрт элбэҕи стиһиэҥ. Онуоха оҕолоруҥ, чугас дьонуҥ ситиһиилэрэ эйиэхэ күүс-уох биэриэхтэрэ, саҥа, сонун суолу тобуларгар суолгун аһыахтара.
ОҔУС. Нэдиэлэ саҥатыгар уһулуччу суолталаах дьыалаларгын түмүктүүргэ, кимиэхэ эрэ көмөлөһөргө кыһалын. Чугас дьонуҥ эмиэ эн өйөбүлгэр наадыйан туруохтара. Үлэҕэр сотору кэминэн саҥа салайааччыланыаҥ эбэтэр саҥа кэллиэгэлэниэҥ. Ол бастаан үчүгэй курдук буолуо эрээри, кэлин хамнаскар оруолу оонньоон, сөбүлүөҥ суоҕа. Үп-харчы, дьиэ-уот боппуруостарынан дьарыктаныаҥ. Өрөбүллэргэр эн көмөҕөр наадыйааччы элбээн соһутуо. Орто сүнньүн тутуспутуҥ бэйэҕэр ордук буолуоҕа. Көмөҕөр наадыйааччылартан аккаастаныма эрээри, төбөҕөр эмиэ ытыннарыма. Тус бэйэҕин уонна чугас дьоҥҥун умнума.
ИГИРЭЛЭР. Эбии үөрэххэр кыһалын, болҕомтоҕун уур. Билиигин-көрүүгүн хаҥатын. Бу күннэргэ былааҥҥын, сыалгын-соруккун уларытан кэбиһиэххин баҕаран кэлиэҥ. Онуоха эйигин үтэн-анньан, бэрэбиэркэлээн көрөллөрүн курдук саныыгын. Итинтэн сылтахтанан дириҥэтэн үөрэтэриҥ, сыныйарыҥ хаһааҥҥытааҕар да улаатыа. Бэл, ити күннэргэ соҕотохсуйбут курдук буолан ылыаҥ. Эйиэхэ көмөлөһөр, сүбэ-ама буолар чугас киһиҥ тылын иһит. Аҕам саастаахтар тугу этэллэрин болҕой, толкуйдаа. Барыта эйиэхэ көмөлөөх буолуохтара. Сибиэһэй салгынынан тыын, сэрээккэлээ. Күүс-уох үөһэттэн кутуллан киириэ.
АРААК. Саҕалаабыт дьыалаҕын-куолугун, үлэҕин-хамнаскын түмүктээ, онун-сүнньүн буллар. Оччоҕо салалтаҥ уоскуйуо, үлэҕэр барыта этэҥҥэ буолуо. Ол гынан баран, сотору кэминэн сонун сүүрээни, саҥа толкуйу эрэйэн туруохтара. Онуоха үлэҕэр эмиэ туох эрэ уларыйыы сибикитэ биллиэ. Үп-харчы туһунан толкуйдууруҥ улаатыа. Доруобуйаҥ этэҥҥэ. Бу күннэргэ сарсыарда эрдэттэн хамсаннаххына, үлэҕэр да, тус наадаҕар да элбэҕи ситиһиэҥ. Соһуччу көрсүһүү, истиҥ кэпсэтии эйигин улаханнык долгутуо. Онтон өрөбүллэргэр бэйэҥ тус баҕаҕын толорорго кыһалын.
ХАХАЙ. Үлэҕинэн суолталаах боппуруостары быһаарар кэмиҥ кэлбит. Бытаарыма, кэтэмэҕэйдээмэ. Оттон дьиэ-уот, оҕуруот боппуруоһа күннээҕинэн туолан иһиэҕэ. Бириэмэҕин онно анаан ыытыма. Тоҕо диэтэххэ эйиэхэ “тааллара кырыылана” сылдьааччылар кыыһыран, айдааран туруохтарын сөп. Ол иһин бу күннэргэ үлэҕэр ураты болҕомтоҕун уурарыҥ ирдэнэр. Эбии харчылаһыаххын сөп. Салалтаҥ эйигин өйүөҕэ. Ол түмүгэр бириэмийэлэниэҥ. Атыынан-тутуунан дьарыктанааччыларга элбэх үп-харчы киириэ. Өрөбүллэргин чугас дьоҥҥун кытары атаар. Түүлгэр болҕомтоҕун уур.
КЫЫС. Чэгиэн олоҕу тутус, доруобуйаҕар болҕомтоҕун уур. Сибиэһэй салгыҥҥа хамсаныыҥ туһалаах буолуоҕа. Ол гынан баран, сынньалаҥҥа, айаҥҥа сэрэхтээх буол. Дьиэҕэр-уоккар, чугас дьоҥҥор болҕомтолоохтук сыһыаннас. Нэдиэлэ ортотугар эбии харчылаһар кыах үөскүө. Онно ыраах баар сибээстэриҥ көмөлөһүөхтэрэ. Онтон нэдиэлэ бүтүүтэ харчы тутуоҥ эбэтэр дьыалаҕын-куолугун ситэриэҥ-хоторуоҥ. Өрөбүлгэ саҕалаабытыҥ барыта ситиһиилээх буолуо. Тылгын-өскүн көрүн, тугу саҥарбытыҥ туолуон сөп. Түүлгүн ыһа-тоҕо кэпсээмэ.
ЫЙААҺЫН. Үп-харчы боппуруоһугар уларыйыы суох. Үлэҕэр-хамнаскар биир оннук. Чугас доҕоруҥ, тапталыҥ, кэргэниҥ санаата уларыйан туруо. Онно туорайдаһыма. Бу күннэргэ, ордук нэдиэлэ ортотугар ыраах айанныырыҥ кутталлаах. Субуотаҕа чугас дьоҥҥуттан тэйимэ. Түүлгэр болҕомтоҕун уур. Тус бэйэҥ уонна чугас дьонуҥ доруобуйаларын туһунан умнума. Дьиэҕэр өрөмүөнү, уларыта тутууну бу күннэргэ саҕалаама. Бэрт кыраттан сылтахтанан иирсэн туруоххутун сөп. Ол өргө диэри соһуллан, доруобуйаҥ алларыйыа. Тус бэйэҥ, чугас дьонуҥ туһунан толкуйдаа. Сибиэһэй салгыҥҥа сырыт, сонун аста астаа.
СКОРПИОН. Айаннаан кэлииҥ дьиэҕэр бырааһынньык курдук буолуоҕа. Ыраахтан-чугастан аймах-билэ дьонуҥ ыалдьыттыы кэлиэхтэрэ. Чугас дьонуҥ, доҕотторуҥ эйиэхэ көмөлөһөргө бэлэмнэрин биллэриэхтэрэ. Бу бэлиэҕэ төрөөбүттэр сороххут дьиэҕэ туох эрэ кыылы-сүөлү иитэ ылыаххыт. Бу күннэргэ эбии харчылаһыаҥ уонна ону барытын тус бэйэҥ интэриэскэр барыаҥ. Өрөбүлгэр ханна эрэ чугас баран сынньаныаххын сөп. Онно саҥа билсиһии күүтэр. Ол эн санааҕын уларытыа.
ОХЧУТ. Умнан сытыарбыт үлэҕин-хамнаскын сөргүттэххинэ, бу күннэргэ бэйэҥ да соһуйуоҥ иһин, бэркэ түмүктүөҥ. Бу күннэргэ барыаҥ-кэлиэҥ, доҕотторгун, билэр дьоҥҥун көрсүөҥ. Төһө да түбүгүрбүтүҥ, аралдьыйбытыҥ иһин, чугас дьонуҥ эн болҕомтоҕор наадыйалларын умнума. Бииргэ үлэлиир дьоҥҥуттан сэрэнэ соҕус сырыт. Тылгын-өскүн кыатана тутун. Таҥнаран, иирсээҥҥэ уган биэрээччилэр баар буолуохтара. Онно киирэн биэримэ. Дьон тугу саҥарбытын кулгааҕыҥ таһынан аһар. Нэдиэлэ бүтүүтэ дьиэҕэр аралдьыйыаҥ. Ыраахтан ыалдьыттар кэлиэхтэрэ эбэтэр бэйэҕин ыҥырыахтара. Санаа үллэстиититтэн сонун бырайыактары толкуйдуоххун сөп.
ЧУБУКУ. Харчыгын үлүбээй барыыргын тохтот. Сотору суолталаахха наада буолан туруоҕа. Иитэр кыылыҥ-сүөлүҥ үөрдүөҕэ. Элбэх түбүктэн-садьыктан, эбээһинэстэн, сорудахтан сылайыаҥ. Онтон сылтахтанан ыарытыйыаххын сөп. Ол иһин, сулустар доруобуйаҕын көрүнэргэр, сэрээккэлииргэр сүбэлииллэр. Киэһэтин бэйэҕин көрүн, сөбүлүүр дьарыккар ылыс, саҥа бырайыакта толкуйдаа, кинигэтэ аах диэн суруйаллар. Бииргэ үлэлиир кэллиэгэлэргин, чугас дьоҥҥун кытары тэрээһиҥҥэ сырыт. Үчүгэй сонуну истиэҥ эбэтэр ыраахтан кэһии тутуоҥ.
КҮРҮЛГЭН. Тус бэйэҕэр, үлэҕэр уларыйыылар киирбиттэрин сэрэйиэҥ. Искэр тута сылдьыбыт санааҕын тоҕо тэбиэҥ. Онтон сылтахтанан эчэйиэххин сөп. Эбэтэр төттөрүтүн үөһэттэн күүс-уох кутуллан киириэ. Онтон үлэҕэр-хамнаскар, уопсастыбаннай сорудахха, дьиэҕэр-уоккар ирдэнэри барытын эрдэттэн бэлэмнээбит буоллаххына, бииртэн-биир ситиһиилэр кэлэн үөрдүөхтэрэ. Салалтаҥ, чугас дьонуҥ эйигин сэҥээриэхтэрэ. Ыалыҥ эн өйөбүлгэр эрэҥкэдийиэ. Ыраах аймахтарыҥ баҕа санаалара туоларыгар эмиэ эн көмөҕөр наадыйыахтара. Дьиэҕэр-уоккар үөрүү-көтүү арыаллыа.
БАЛЫКТАР. Нэдиэлэ саҥатыгар билбэтэххин билиэҥ, истибэтэххин истиэҥ. Ыраахтан сонун кэлиэ. Бу күннэргэ эбии харчылаһыаххын сөп, ону дьоҥҥо кэпсээбэтиҥ ордук буолуо. Уопсайынан былааҥҥыын кистии тута сырыт. Тоҕо диэтэххэ, улаханы атыылаһыаххын сөп. Онно элбэх харчы наада буолан туруоҕа. Үлэҕинэн ыраах айан суола, күүтэр. Онно бардаххына, долгутуулаах билсиһии буолуоҕа. Бу билсиһии кэскиллээх. Онон эн санааҕын көтөҕүө, өрүкүтүө. Дьиэҕэр-уоккар барыта этэҥҥэ. Ил-эйэ өрөгөйдүө, үөрүү-көтүү үксүө. Чугас доҕотторуҥ эн ситиһиигиттэн үөрүөхтэрэ, эҕэрдэлиэхтэрэ. Бу күннэргэ бэлэх эбэтэр кэһии тутуоҥ.
