Сахалыы диктааҥҥа ыҥыраллар

Ааптар: 
Бөлөххө киир:

Төрөөбүт тыл уонна сурук-бичик күнүн көрсө сыл аайы сахалыы диктаны тэрийэллэр. Быйылгы диктант олунньу 9 күнүгэр, күнүс 14 чаастан Национальнай бибилэтиэкэҕэ буолар.

edersaas.ru

Тэрээһин номнуо  алтыс сылын ыытыллар. Дьон көхтөөхтүк кыттар. Оскуола оҕотуттан саҕалаан, кырдьаҕаһыгар тиийэ кэлэн суруйаллар. Кэрэхсэбиллээҕэ баар, сыллата сыыһаларын аҕыйатар сыаллаах-соруктаах уонна сурук үлэтигэр букатын сыһыана суох дьон эмиэ кэлэллэр. Тэрийээччилэр бэлиэтииллэринэн, кыттааччылар сүрүннээн сурук бэлиэтигэр сыыһаллар, букатын сыыһата суох суруйар дьон эмиэ бааллар эбит. Түөрт сыана балачча элбэҕин, “икки” даҕаны баарын ыйаллар.

Үлэни барытын Хотугулуу-Илиҥҥи федеральнай университет саха тылын хаапыдыратын үлэһиттэрэ бэрэбиэркэлииллэр.

Тиэкис саха суруйааччыларын айымньыларыттан ылыллар. Тылын ахсаана 130-170 буолар.

Диктант түмүгүнэн туйгун, үчүгэй сыанаҕа суруйбуттарга анал номинациялары, оттон кыттааччыларга барыларыгар сэртипикээттэри туттараллар. Кэлиҥ, көхтөөхтүк кыттыҥ.

Людмила ПОПОВА, “Саха сирэ” хаһыат, edersaas.ru

Хаартыска — интэриниэттэн.

+1
0
+1
0
+1
0
+1
0
+1
0
+1
0
+1
0