Саха сирин Ил Дархана Айсен Николаев Арассыыйа бэчээтин күнүнэн эҕэрдэлиир...
· - Олох-дьаһах

Саха сирин Ил Дархана Айсен Николаев Арассыыйа бэчээтин күнүнэн эҕэрдэлиир

Ытыктабыллаах суруналыыстар, бэчээт, тэлэбиидэнньэ, араадьыйа уонна интэриниэт-таһаарыылар үлэһиттэрэ!

Саха Өрөспүүбүлүкэтин салалтатын уонна тус бэйэм ааппыттан эһигини Арассыыйа бэчээтин күнүнэн эҕэрдэлиибин!

Идэтийбит суруналыыстыка – гражданскай уопсастыба тирэхтэриттэн биирдэстэрэ. Көҥүл, сиэрдээх уонна үтүө быһыыга уонна дьайыыга көҕүлүүр тыл – бу эрэгийиэн сайдыытыгар сүҥкэн күүс. Эһиги сонуннары киэҥник тарҕатар сириэстибэлэргэ Саха Өрөспүүбүлүкэтин киэҥ өрүттээх, сэргэх, интэриэһинэй уонна тэтимнээх мөссүөнүн түстүүгүт.

Эһиги эрэгийиэн олоҕун-дьаһаҕын туһунан киэҥ аудиторияҕа иһитиннэрэр-биллэрэр үрдүк эппиэтинэстээх уонна дьоһун аналы толороҕут.

Саха сирин сонуннарын киэҥник тарҕатар ситимнэрэ – бу өрөспүүбүлүкэҕэ буолар бары түгэннэргэ араас сыһыаны, көрүүлэри көрдөрөр аһаҕас ырытыһар былаһааккалар. Суруналыыстар суһаллык уонна ирдэбиллээхтик сыһыаннаһан, быһаарыылары эрэйэр боппуруостары уталыппакка быһаарарга көмөлөһөллөр.

Аан дойду эйгэтэ түргэник уларыйар. Иһитиннэрии түргэнник уонна киэҥник тарҕанар цифровой үйэҕэ эһиги маастарыстыбаҕытыгар ирдэбил хас эмэ төгүл улаатар.

Бүгүн сонуннары биэрии быһыыта уонна ньымалара уларыйар, иһитиннэрэр эйгэҕэ үгүс саҥа кыттааччылар киирэллэр – бу улахан аудиториялаах блогердар эрэ буолбакка, социальнай тиһиктэргэ тус страницаларыгар тылларын-өстөрүн тириэрдэр көхтөөх дьон-сэргэ.

Ол иһин, Саха сирин идэтийбит прессата мэлдьи сайдар, саҥаны көрдүүр уонна боруобалыыр, бэлиэ түгэннэри уонна көстүүлэри дьиҥнээхтик уонна кырдьыктаахтык сырдатарга дьулуһар, итинэн иһитиннэрэр киэҥ эйгэҕэ бэйэтин көрүүтүн бигэргэтэрэ олус үчүгэй.

Күндү доҕоттор! Бу бырааһынньык күн эһиэхэ умсугутуулаах айар бырайыактары, дьоһун дьоруойдары, үтүө сонуннары уонна идэҕит таһымын өссө үрдэтэргитигэр баҕарабын! Дьолу-соргуну уонна табыллыыны!

Айсен Николаев, Саха Өрөспүүбүлүкэтин Ил Дархана

 

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

двадцать − шестнадцать =