Саха сирин үрдүк туочукатыгар Кыайыы Знамята тэлимниэҕэ

Ааптар: 
Бөлөххө киир:

Кыайыы Знамятын Саха сирин үрдүк туочукатыгар – Победа хайаҕа (3003 миэтэрэ) таһаарыы үбүлүөйдээх сылга Улуу Кыайыы туһунан санатар бэлиэ түгэн, диэн СИА-ҕа өрөспүүбүлүкэ ыччат дьыалаларыгар уонна социальнай коммуникацияларга министиэристибэтэ иһитиннэрдэ.

Улуу Кыайыы суолтата умнуллубатын, үүнэр көлүөнэҕэ патриотическай өйү-санааны, спорт көрүҥнэрин киэҥник тарҕатар туһуттан Саха сирин Ис дьыалаҕа министиэристибэтэ Нуучча географическай уопсастыбатын уонна өрөспүүбүлүкэ Ис дьыалаларын уорганнарын бэтэрээннэрин тэрилтэтин уонна өрөспүүбүлүкэ Спортивнай туризмҥа федерациятын кытта Арассыыйа Федерациятын хотугулуу-илиҥҥи саамай үрдүк туочукатыгар — Муома улууһугар Победа хайаҕа “Кыайыы Знамята” эспэдииссийэни торумнаатылар.

“2020 сыл Арассыыйаҕа Өйдөбүнньүк уонна албан аат сылынан, Саха сиригэр – Дойдуга бэриниилээх буолуу сылынан биллэриллибитэ. Кыайыы Знамятын Победа хайа муҥутуур чыпчаалыгар таһаарыы Аҕа дойду Улуу сэриитигэр Кыайыы 75 сылыгар ананар. Өрөспүүбүлүкэ салалтата уонна Саха сирин олохтоохторо, Арассыыйа атын эрэгийиэннэрин олохтоохторо, урукку ССРС дойдуларын уопсастыбаннаһа биһиги былааммытын өрө көтөҕүллэн туран ылыныахтара дии саныыбын. Бүгүн хаһааҥҥытааҕар даҕаны сэбиэскэй норуот  Улуу Кыайыытын тула түмсэр суолталаах буолла”, — диэн Саха сирин Ис дьыала уорганнарын бэтэрээннэрин (биэнсийэлээхтэрин) уопсастыбаннай тэрилтэтин бэрэссэдээтэлэ, “Кыайыы Знамята” бырайыак салайааччыта Василий Местников этэр.

Бу бөлөх 12 киһиттэн турар. Кыттааччылар спортка уонна туризмҥа уопуттаахтар, хайа, уу-хайа туризмынан дьарыктаналлар. Хамаандаҕа Саха сирин ыччатын аатыттан ХИФУ  Физическэй култуураҕа уонна спортка институтун 1 кууруһун устудьуона Айаан Местников кыттыаҕа. Кини хайа чыпчаалыгар тахса үөрэхтээх, альпинист быһыытынан бэлэмнэниилэргэ дьарыктанар.

Женни СТРЮКОВА бэлэмнээтэ.

+1
0
+1
0
+1
0
+1
0
+1
0
+1
0
+1
0