Саха сиригэр 200 тыһыынчаттан тахса киһи куоластаата...
· - Олох-дьаһах

Саха сиригэр 200 тыһыынчаттан тахса киһи куоластаата

Бэс ыйын 29 күнүнээҕи туругунан Саха сирин 200 тыһыынчаттан тахса олохтооҕо куоластаата. РФ Конституциятыгар уларытыылары киллэриигэ Бүтүн Арассыыйатааҕы куоластааһыҥҥа Саха сирин 203368 олохтооҕо кытынна.

Бу бэс ыйын 29 күнүгэр 20:00 чаастааҕы көрдөрүү. Онон, өрөспүүбүлүкэ үрдүнэн куоластыы кэлии 31,52 бырыһыаҥҥа тэҥнэһэр. Бу туһунан СИА-ҕа Киин быыбардыыр хамыыһыйаттан иһитиннэрдилэр.

Өлөөн улууһун олохтоохторо  63,55% куоластаатылар, 59,18% —Үөһээ Бүлүү улууһа, үһүс миэстэҕэ – Уус Алдан оройуона (54,30%), төрдүскэ – Горнай улууһа  (53,55%), бэһискэ – Таатта улууһа (53,22%).

Өрөспүүбүлүкэ үрдүнэн куоластаабыт дьонтон 126883 киһи дьиэҕэ олорон куоластаата. Санатан эттэххэ, от ыйын 1 күнэ РФ Конституциятыгар куоластааһыҥҥа тиһэх күнүнэн буолар.

Дьулустаан Сергеев, СИА

Бэлэмнээтэ Женни СТРЮКОВА.

Хаартыска: архыып

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

восемнадцать − пять =