СӨ Экономика миниистирэ Денис Белозеров 2018 с. бастакы кыбаарталын түмүгүн отчуоттаата.
Ол курдук валовай региональнай бородууксуйа 6,8% үрдээбит, бырамыысыланнай оҥорон таһаарыы индексэтэ 106,3% тэҥнэспит. Сиртэн хостонор баай тэтимирэн, айылҕа ньиэбин хостооһун 12,5%, таас чох 2,9%, гаас конденсата 14,7%, айылҕа гааһа 3,9% үрдээбит.
edersaas.ru
Ньиэп уонна таас чох хостооһуна элбээбитин «Сургутнефтегаз» Талакааннааҕы салаата, «Таас-Юряхнефтегазодобыча», ону тэҥэ «Колмар» саҥа фабриканы киллэрбитэ хааччыйбыт.
Үлэтэ суох дьон ахсаана ааспыт сылы кытта тэҥнээтэххэ, 1,6% кыччаан, 36,3 тыһ. киһи буолбут.
Оттон тырааныспар таһаҕаһы тиэйиитэ 17%, дьону тиэйии 5%, үүтү ыаһын 4,9% кыччаабыт.
Орто хамнас 10,3 % үрдээн, 61 909 солк. тиийбит, илиигэ ылар хамнас 4,8% эбиллибит.
«Онон, өрөспүүбүлүкэ экономическэй сайдыытыгар көрдөрүү үчүгэй», — диэн сыаналаата миниистир.
Марианна Тыртыкова, «Саха сирэ», edersaas.ru