Саха сиригэр ойуур баһаардарын умулларыыга РФ Бырабыыталыстыбатын саппаас пуондатыттан үп-харчы бэриллиэҕэ

Саха сиригэр ойуур баһаардарын умулларыыга РФ Бырабыыталыстыбатын саппаас пуондатыттан 390,9 мөл солкуобай бэриллиэҕэ.

Саха сиригэр ойуур баһаардарын умулларыыга кэлимсэ тэрээһиннэри ыытарга эбии үп ирдэнэр. Өрөспүүбүлүкэ баһылыга Айсен Николаев дойду премьер-миниистирэ Дмитрий Медведевтан Арассыыйа Бырабыыталыстыбатын саппаас пуондатыттан 390,9 мөлүйүөн солкоубайы биэрэригэр көрдөспүтэ. РФ Бырабыыталыстыбатын бэрэссэдээтэлэ бу көрдөһүүнү ылынан, сотору кэминэн өрөспүүбүлүкэҕэ үп кэлиэҕэ.
Авиалесоохрана чахчытынан, Саха сиригэр ойуур 116 баһаара бэлиэтэннэ. Итилэртэн хааччыллар сиргэ-уокка Алдан, Дьааҥы, Мэҥэ Хаҥалас, Нерюнгри, Ньурба, Өлүөхүмэ, Сунтаар, Уус Алдан оройуоннарыгар уонна Дьокуускай куоракка 15 ойуур баһаарын умуллараллар.
Ааспыт сууккаҕа Саха сиригэр 15 көрдүгэнинэн аччаата, тыаҕа 4 баһаар бохсулунна. Икки Бе-200 сөмөлүөт Мииринэйгэ уонна Дьокуускайга баазаланнылар. Хабаровскайтан кэлбит икки Ми-8 бөртөлүөт Дьокуускайга уонна Сунтаарга кииннэнэллэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата