Төһө даҕаны биир кэлим эксээмэн (ЕГЭ) кэлэр нэдиэлэттэн саҕаланнар, үрдүк, орто анал үөрэхтэр абитуриеннартан докумуону номнуо бэс ыйын 20 күнүттэн саҕалаан тута тураллар. Урукку сыллартан уратыта диэн, онлайн ылаллар.
Эрдэһит абитуриеннар эксээмэн түмүгүн кэтэспэккэ номнуо “личнэй кэбиниэт” арынан, докумуоннарын ыытан эрэллэр. Тутар хамыыһыйа эрдэттэн бэрэбиэркэлээн, туох тиийбэтин ыйан, база оҥоро турар. Онтон эксээмэннэрин түмүгэ билиннэҕинэ ситэрэн биэрэллэр. Онон хаһан эксээмэн түмүгэ биллэрин кэтэһэн олорбокко, эрдэ туттара турбут бары өттүнэн барыстаах. Дьолго, дьиэттэн тахсыбакка, ханна даҕаны айанныы, бара-кэлэ соруммакка ыытар кыах баар. Өрөспүүбүлүкэҕэ үлэлиир үрдүк үөрэх кыһаларын саайтарын түмэбит.
Федеральнай бас билиигэ баар үөрэхтэр:
- М.К. Аммосов аатынан Хотугулуу-Илиҥҥи федеральнай университет (ФГАОУ ВО «Северо-Восточный федеральный университет им. М.К. Аммосова») https://postupi.s-vfu.ru/
- Арктикатааҕы судаарыстыбаннай агротехнологическай университет (ФГБОУ ВО «Арктический государственный агротехнологический университет») http://agatu.ru/postupi/
- Арктикатааҕы култуура уонна искусство судаарыстыбаннай института (ФГБОУ ВО «Арктический государственный институт культуры и искусств») http://agiki.ru/abitur
- Чурапчытааҕы физическэй култуура уонна спорт института (ФГБОУ ВО «Чурапчинский институт физической культуры и спорта») http://new.chgifkis.ru
Судаарыстыбаннайа суох:
- Илин-Сибиирдээҕи экэниэмикэ уонна менеджмент института (Негосударственное образовательное учреждение Высшего Образования “Восточно-Сибирский институт экономики и менеджмента”) https://vsiem.ru/
Филиаллар:
- Дьокуускайдааҕы уу тырааныспарын института (Якутский институт водного транспорта – филиал Федеральное Государственное Бюджетное образовательное учреждение Высшего Образования «Сибирский государственный университет водного транспорта») https://yiwt.ru/
- Дьокуускайдааҕы экэниэмикэ-быраап института (Якутский экономико-правовой институт (филиал) ОУП ВО «Академия труда и социальных отношений») http://yaepi.ru/
- Судаарыстыбаннай администрирование института (Якутский филиал Негосударственное образовательное учреждение «Институт государственного администрирования») https://yakutsk.iga.ru/
Людмила ПОПОВА, “Саха сирэ” хаһыат, edersaas.ru
Хаартыска: 11-классники
+1
+1
+1
+1
+1
+1
+1