Саха сирэ цифровой тэлэбиидэнньэҕэ көстө
· - Олох-дьаһах

Саха сирэ цифровой тэлэбиидэнньэҕэ көстө

Бүгүн федеральнай теле-ханааллар антыанаттан цифровойунан көрдөрүүгэ көстүлэр. Саха Өрөспүүбүлүкэтин бары олохтоохторугар бүгүн, бэс ыйын 3 күнүгэр, экрааннарыгар тэлэбиидэнньэнэн биэрии тохтообутун туһунан биллэрии тахсар буоллаҕына, тэлэбиисэргит DVB-T2 технологияны хабарын бэрэбиэркэлээҥ уонна автонастройката оҥоруҥ. Оттон эргэ тэлэбиисэрдээх буоллаххытына, цифровой приставката уонна дециметровай антыаната атыылаһыҥ. 

 

“Билигин Россия 1 теле-ханаалга цифровой тэлэбиидэнньэҕэ холбонуу ньыматын көрдөрөр ролик таҕыста, — диэн инновация, цифровой сайдыы уонна инфокоммуникационнай технология миниистирэ Анатолий Семенов иһитиннэрдэ. – Ролик бэс ыйын 10 күнүгэр диэри көстүөҕэ. Цифровой тэлэбиидэнньэ хаппат сиригэр олорор сэлиэнньэлэргэ Бастакы ханаалы антыананан көрүөхтэрэ. Бу сэлиэнньэлэргэ сыыйа түһүмэхтэринэн араарыахтара”. 

Санатан эттэххэ, аналоговай биэриигэ “Якутия24” уонна “Саха” НКИХ өрөспүүбүлүкэтээҕи теле-ханааллар хаалыахтара. Сыыппаранан тэлэбиидэнньэ өрөспүүбүлүкэ олохтоохторун 95 бырыһыаныгар көстүөҕэ. Атыттар абонентскай төлөбүрэ суох спутник тэлэбиидэнньэтин тарыыптарыгар холбонор кыахтаахтар.

Бүгүҥҥүттэн антыананан биэриини дойду 35 субъегар эмиэ араарыахтара. Бастакы уонна иккис мультиплекска киирэр федеральнай ханааллар сыыппараҕа көһүөхтэрэ уонна абонентскай төлөбүрү төлүөхтэрэ суоҕа. Сыыппараҕа көһүү туһунан “суһал линиянан” 8-800-350-14-14 ыйытыҥ.

СӨ Инновацияҕа министиэристибэтин пресс-сулууспата

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

девятнадцать − 15 =