Олунньу 13 күнэ — Төрөөбүт тыл уонна сурук-бичик күнэ. Бу бэлиэ күн чэрчитинэн, “Саха сирэ” хаһыат үлэһиттэрэ быйыл “Сахалыы диктант” аахсыйаҕа кыттыһарга сананныбыт.
edersaas.ru
Сахалыы тыллаах хаһыакка, сурукка-бичиккэ ордук чугас диэн санааттан маннык быһаарыныыны ылынныбыт. Бэйэбитин холонон көрөрбүтүгэр саамай тоҕоостоох тэрээһин. Инникитин көрүҥүн уларытан-тэлэритэн биэриэхпит диэн толкуйдаахпыт.
Былырыыҥҥы өрөспүүбүлүкэтээҕи “Сахалыы диктант” аахсыйаҕа Софрон Данилов “Оҕо саас туманнаах сарсыардата” диэн бэртээхэй кэпсээниттэн быһа тардан суруйбуттара. Биһиги эмиэ ол тиэкиһи таллыбыт. Тыла олус уустуга суоҕун иһин, сурук бэлиэтигэр “угаайыта” элбэх.
Саха сирин олохтоохторун барыгытын, Төрөөбүт тыл уонна сурук-бичик күнүн иитинэн ыытыллар тэрээһиннэргэ барытыгар көхтөөхтүк кыттаргытыгар ыҥырабыт! “Саха сирэ” хаһыат – төрөөбүт тыл туһугар!
Биһ. корр.,“Саха сирэ” хаһыат, edersaas.ru
+1
+1
+1
+1
+1
+1
+1