СӨ Үлэҕэ уонна социальнай сайдыыга министиэристибэтэ Нэһилиэнньэ үлэлээх уонна көмүскэллээх буолуутун управлениетын кытта бары улуустартан саастаах дьону иитэ ылыан баҕарар дьиэ кэргэттэртэн сайаапкалары хомуйаллар. Бастатан туран, бу манна «Саастаах дьону иитэр дьиэ кэргэн» бырагырааманан интэринээт-дьиэлэргэ олорор дьон киирэр.
Усулуобуйа быһыытынан, соҕотоҕун олорор эбэтэр үлэлиир кыаҕа суох буолбут 55 сааһыттан үөһэ дьахтары уонна 60 сааһыттан үөһэ эр киһини, интэринээт-дьиэҕэ олорор киһини уонна куруук эбэтэр быстах кэмҥэ көмөҕө наадыйар киһини дьиэ кэргэн иитэ ылыан сөп.
2020 сылга иитэ ылбыт дьоҥҥо ый аайы 20 701 солкуобай көрүллэр. Сыллата бу суумма индексацияланар. Маны кытта саастаах киһи бэйэтин наадаларыгар диэн биэнсийэтиттэн 75 %-ҥҥа тиийэ харчыны биэрэр.
Интэриэһиргээбиттэр олорор аадырыскытынан Нэһилиэнньэ социальнай көмүскэллээх уонна үлэлээх буолуутун управлениетыгар биллэргитигэр ыҥырабыт. Бу туһунан СӨ Үлэҕэ уонна социальнай сайдыыга министиэристибэтэ иһитиннэрэр.
edersaas.ru
Хаартыска — министиэристибэттэн.
+1
+1
+1
+1
+1
+1
+1