«Саамай сөбүлээбитим аһылыктара уонна истиҥ сыһыаннара»

Бөлөххө киир:

Диир, Үөһээ Бүлүү дуобакка хамаандатын чилиэнэ, П.Н.Тобуроков аатынан Намнааҕы орто оскуола математикаҕа учуутала, спорт маастарыгар кандидат Антонина Аввакумова.

-Улуус чиэһин көмүскээн, элбэх күрэхтэһиилэргэ сылдьыбытым. Аммалар тэрээһиннэрэ наһаа үчүгэй. Саамай сөбүлээбитим аһылыктара уонна истиҥ сыһыаннара. Дьон барыта үөрэ-көтө сылдьарыттан киһи санаата көтөҕүллэр. Дуобат күрэхтэһиитин эттэххэ, маннык улахан таһымнаах күрэхтэһиигэ гроссмейстердары, маастардары кытта бииргэ оонньуу сылдьарбыттан, бэйэбин дьоллооҕунан ааҕынабын.

Билигин, бэһис туур кэнниттэн чурапчылар инники иһэллэр. Кинилэр хамаандаларын састаабыгар Гаврил Колесов, Рена Ноговицына курдук гроссмейстердар бааллар.

Баҕа санаа курдук эттэххэ, маннык тэрээһиннэр салгыы буола турдуннар. Сайдыы барар. Үчүгэй олоххо көҕүлээһин буолар. Ким кыахтаах, ким дьулуурдаах, ким үчүгэй бэлэмнээх — ол кыайдын!

Петр Павлов.

+1
0
+1
0
+1
0
+1
0
+1
0
+1
0
+1
0