Саҥа сылга – саҥа соруктар

Ааптар: 
Бөлөххө киир:

Ил Дархан үүммүт сыл сүрүн соруктарын бэлиэтээтэ

Бүгүн, тохсунньу 9 күнүгэр, СӨ Ил Дархана Егор Борисов СӨ Ил Дарханын, бырабыыталыстыбатын дьаһалтатын салааларын салайааччыларын, бэйэтин сүбэһиттэрин, көмөлөһөөччүлэрин кытта мунньахтаан, үүммүт 2017 сыл сүрүн соруктарын бэлиэтээтэ. Бу туһунан egorborisov.ru иһитиннэрдэ.

Егор Борисов бииргэ үлэлиир дьонун бырайыагынан салайыыны киллэриинэн эппиэтинэһи үрдэтэргэ итиэннэ онно көхтөөхтүк үлэлэһэргэ ыҥырда. Ил Дархан аппарат үлэтэ бүтүннүүтэ Ил Дархан, бырабыыталыстыба таһаарыылаах үлэлэрин-хамнастарын хааччыйыыга, өрөспүүбүлүкэ тыын суолталаах соруктарын быһаарыыга туһуланыахтааҕын тоһоҕолоон бэлиэтээтэ.

Сүрүн соруктарынан дьадайыыны утары охсуһуу, олохтоох оҥорон таһаарыыны сайыннарыы буолаллара этилиннэ. Ону сэргэ быйыл Арассыыйаҕа Экология сыла, Саха сиригэр Ыччат сыла биллэриллибиттэринэн, бу эйгэлэргэ судаарыстыба көмөтө улаатара сабаҕаланар.

Бу күннэргэ Саха сирин баһылыга бары министиэристибэлэр, биэдэмэстибэлэр управлениеларын, департаменнарын салайааччыларын кытта көрсөн, үүммүт сылга чопчу соруктары туруоруоҕа.

Роман Попов, “Саха сирэ” хаһыат.

+1
0
+1
0
+1
0
+1
0
+1
0
+1
0
+1
0