Арассыыйа үрдүк үөрэҕин кыһаларыгар өрөспүүбүлүкэтээҕи хамыыһыйаҕа докумуону туттарыы болдьоҕо бу сыл атырдьах ыйын 13 күнүгэр диэри уһаата. Ити туһунан бүгүн, атырдьах ыйын 10 күнүгэр, тутар хамыыһыйа иһитиннэрдэ.
Ол курдук, атырдьах ыйын 9 күнүгэр тус сыаллаах үөрэххэ мэктиэлээһиҥҥэ (рекомендация) өрөспүүбүлүкэтээҕи тутар хамыыһыйа бастакы түһүмэҕин мунньаҕа буолла. Бу тус сыаллаах үөрэхтээһиҥҥэ киирии мэктиэлээһинин 20 бырыһыана буолар. Атырдьах ыйын 12 күнүгэр мунньах иккис түһүмэҕэ ыытыллыаҕа — мэктиэлээһин 60 бырыһыана. Онтон атырдьах ыйын 14 күнүгэр – үһүс, онно тус сыаллаах үөрэххэ бүтэһик мэктиэлээһини иһитиннэриэхтэрэ.
2020-2021 үөрэх дьылыгар үөрэххэ ылыы былаанын сиһилии СӨ Үөрэҕин уонна наукатын министиэристибэтин сайтыгар “Абитуриенту” диэн салааҕа билсиэххитин сөп.
СӨ Үөрэҕин уонна наукатын пресс-сулууспата.
+1
+1
+1
+1
+1
+1
+1