Ытыктабыллаах Саха сирин олохтоохторо!
Саха Өрөспүүбүлүкэтин салалтатын аатыттан уонна тус бэйэм эһигини дойду сүрүн суолталаах судаарыстыбаннай бырааһынньыгынан — Россия Федерациятын Конституциятын күнүнэн эҕэрдэлиибин!
26 сыл анараа өттүгэр, 1993 сыл ахсынньы 12 күнүгэр дойдубут сайдыытын саҥа кэрдиис кэмин түстүүр докумуон ылыллыбыта. Конституция дойду үрдүнэн бүрүүкээбит уустук кэмҥэ социальнай уонна экономическай эйгэҕэ бигэ тирэхтээх буолууну ситиһэргэ, судаарыстыбаннаһы бөҕөргөтүүгэ олук уурбута.
Конституция сүрүн нуормалара, ол эбэтэр федерализм уонна олохтоох бэйэни салайыныы, бары гражданнар омугуттан, итэҕэлиттэн тутулуга суох тэҥ буолуулара, элбэх хайысхалаах экономика – саҥа Россия сайдыытыгар аартыгы арыйбыттара. Элбэх омуктаах держава субъектара бэйэлэрин сайдар суолларын тобулар, тэлэр бырааптаммыттара.
Саха сирэ дойду Уһук Илиҥҥи бигэ тирэҕэ буолар. Бүгүн биһиги өрөспүүбүлүкэбит сөҕүмэр кыаҕын туһанан Россия модун күүһүн бөҕөргөтөргө сүҥкэн эппиэтинэһи сүгэбит. Ону ситиһэргэ биһиги сирбитигэр-уоппутугар кыах барыта баар – сир баайа, технология уонна наука эйгэтигэр дьоһун ситиһиилэр. Ол эрээри, Сахабыт сирин үтүө санаалаах, сүдү талааннаах уонна үлэһит дьоно өрөспүүбүлүкэбит сүрүн баайа буоларын өссө биирдэ бэлиэтиэх тустаахпын.
Ытыктабыллаах Сахам сирин дьоно, эһиги күннээҕи үлэҕитинэн төрөөбүт дойдубут чэчирии сайдарын түстүүгүт.
Күндү доҕоттор! Бу кыһыҥҥы бэлиэ күҥҥэ эһиэхэ уонна чугас дьоҥҥутугар кытаанах доруобуйаны, дьолу, этэҥҥэ буолууну, туруоруммут сыалгытын ситиһэргитигэр баҕарабын!
Саха Өрөспүүбүлүкэтин Ил Дархана Айсен Николаев
Хаартыска: СИА