Кыра дохуоттаах уонна кыра дохуоттаах дьиэ кэргэн оҕолоро босхо аһылыгынан хааччыллыахтара. Ити туһунан СӨ Үөрэҕин уонна наукатын министиэристибэтин саайтыгар суруллар.
“Үөрэнээччилэри аһылыгынан хааччыйар туһунан” СӨ Үөрэҕин уонна наукатын министиэристибэтэ бирикээс таһаарда. Бирикээскэ маннык пууннар ыйыллыбыттар:
Бастакытынан, СӨ Үөрэҕин уонна наукатын министиэристибэтин уопсай үөрэхтээһин судаарыстыбаннай тэрилтэлэрин алын, орто, үрдүкү сүһүөххэ үөрэнэр, кыра дуохуоттаах уонна кыра дохуоттаах дьиэ кэргэн оҕолоругар, төрөппүт (сокуоннай бэрэстэбиитэл) сайабылыанньатыгар олоҕуран, ыраахтан олорон (дистанционно) эбэтэр биирдиилээн (индивидуальнай) бырагырааманан үөрэнэр кэмнэригэр, бүддьүөттэн көрүллүбүт үбүлээһин нуорматыгар сөп түбэһиннэрэн аһылык наборунан (сухой пайек) үөрэнээччини күннэтэ босхо хааччыйарга.
Иккиһинэн, тулаайах уонна төрөппүт көрүүтэ-истиитэ суох хаалбыт оҕолорго, үөрэнэр кэмнэригэр төрөппүттэрэ иккиэн суох буолбут эбэтэр кыра дохуоттаах соҕотох төрөппүт иитэр Саха Өрөспүүбүлүкэтин сиригэр-уотугар үлэлиир анал үөрэҕин кыһаларын үөрэнээччилэрэ электроннай эбэтэр ыраахтан (дистанционно) олорон уонна биирдиилээн үөрэнии ньыматыгар көспүт буоллахтарына, аһылыгынан хааччыйыыга бүддьүөттэн көрүллүбүт үбүлээһиҥҥэ сөп түбэһиннэрэн, тус сайабылыанньаларыгар олоҕуран харчынан компенсациялыырга эбэтэр күннэтэ норма аһылыгынан хааччыйарга.
Үсүһүнэн, бэйэни салайыныы олохтоох уорган баһылыктара туһааннаах бирикээһинэн салайтаралларыгар сүбэлииргэ.
Бирикээһи СӨ Үөрэҕин уонна наукатын министиэристибэтин саайтыгар “Дистанционное образование в РС(Я)” диэн салааҕа https://minobrnauki.sakha.gov.ru/distantsionnoe-obrazovanie-v-respublike-saha-kutiya сигэнэн киирэн көрүөххэ сөп.