Үөрэххэ туттарсыы уратыларын кэпсииллэр (ВИДЕО)

Ааптар: 
Бөлөххө киир:

Быйыл уһуйаантан саҕалаан үөрэх барыта дистанционнайга көһөн, оскуоланы бүтэрээччи, үөрэххэ туттарсааччы, төрөппүт, учуутал хаһааҥҥытааҕар даҕаны саайтары, онлайн уруоктары истэрэ, көрөрө ирдэнэр. Үөрэх тэрилтэлэрэ маныаха көмө буолаллар, сүбэлэри биэрэллэр.

edersaas.ru

Ол курдук, ааспыт нэдиэлэттэн СӨ идэҕэ бэлэмнээһин урутаан иһэр киинэ “2020 сылга үөрэххэ туттарсыы” диэн онлайн вебинары саҕаалата. Бастакы вебинарга быйылгы сылга үөрэххэ туттарсыы уратыларын, болдьоҕун, үөрэх көрүҥнэрин туһунан кэпсээтилэр. Орто, үрдүк үөрэхтэр уратыларын, көрүҥнэрин билиһиннэрдилэр. Холобура, 9-с кылаас кэнниттэн оҕолор ханна туттарсыахтарын сөбүн, ханнык идэлэри баһылыахтарын сөбүн кэпсээтилэр.

Үрдүк үөрэх специалитет, бакалавриат, магистратура диэҥҥэ арахсар. Манна хас сыл үөрэнэллэрин, туох уратылаахтарын билиһиннэрдилэр.

Ыам ыйын 20 күнүгэр киэһэ 19.30 мүнүүтэттэн (нууччалыы), ыам ыйын 21 күнүгэр киэһэ 19.30 мүнүүтэттэн (сахалыы) “Үрдүк үөрэххэ бүддьүөт миэстэтигэр хайдах киирэбин?” диэн олус туһалаах вебинары ыытыахтара. Тэрээһин СӨ идэҕэ бэлэмнээһин урутаан иһэр киинин Ютуб-ханаалыгар буолар. Ютубка киирэн “Центр опережающей профессиональной подготовки РС(Я)” диэн ханаалга сурутуоххутун, көрүөххүтүн, ыйытыы биэриэххитин сөп.

Бастакы вебинары манна көрүҥ.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0