“Үөрэх” национальнай бырайыак “Аныгы оскуола” эрэгийиэннээҕи бырайыагын иитинэн, Дьокуускай куорат 31-с нүөмэрдээх оскуолатыгар 315 миэстэлээх тутууну салҕыылар.
Оскуола дьаһалтата иһитиннэрбитинэн, бүгүҥҥү күҥҥэ 232 устуука сыбаайаны түһэрбиттэр, көмө конструкциятын (опалубка) уонна цокольнай армирование оҥоһуллар. Ону таһынан, магистральнай канализация ситимин дьааматын оҥоруу үлэтэ бүтэн эрэр.
2020 сылга “Аныгы оскуола” эрэгийиэннээҕи бырайыак чэрчитинэн 2 коррекционнай оскуола, оскуолаларга цифровой уонна гуманитарнай хайысхалаах “Точка роста” 42 киинин тэрийиэхтэрэ. Итиэннэ үөрэнээччилэр билиилэрин бэлэмин чинчийии норуоттар икки ардыларынааҕы быраактыкатыгар олоҕуран, уопсай үөрэхтээһин хаачыстыбатын сыаналыахтара.
СӨ Үөрэҕин уонна наукатын министиэристибэтин пресс-сулууспата.
+1
+1
+1
+1
+1
+1
+1