Өрөспүүбүлүкэ саҥа борокуруора ананна
Бэрээдэк - Олох-дьаһах

Өрөспүүбүлүкэ саҥа борокуруора ананна

Россия бэрэсидьиэнэ Владимир Путин юстиция ыстаарсай сүбэһитин Олег Дмитриевич Нарковскайы Саха Өрөспүүбүлүкэтин борокуруорунан 5 сыллаах болдьоххо анаата. Бу туһунан РФ Генеральнай борокуратууратын саайта иһитиннэрдэ.

edersaas.ru

Олег Нарковскай Казахскай ССР Кзыл-Ординскай уобалаһын Кзыл-Орда куоратыгар 1967 сыллаахха төрөөбүт.

1992 сыллаахха Красноярскайдааҕы судаарыстыбаннай институту үөрэнэн бүтэрбит.

1992 сылтан борокуратуура уорганнарыгар үлэтин саҕалаабыт. Араас кэмнэргэ Красноярскай кыраай Красноярск куоратын Железнодорожнай оройуонун борокуруорун көмөлөһөөччүтүнэн, онтон ыстаарсай көмөлөһөөччүтүнэн, Красноярскай кыраай борокуратууратын ураты суолталаах дьыалалары силиэстийэлиир отделын борокуруорунан уонна ыстаарсай борокуруорунан, онтон Красноярскай кыраай Красноярск куоратын Свердловскай оройуонун борокуруорун солбуйааччынан уонна борокуруорунан үлэлээбит.

Кэлиҥҥи сылларга — Красноярскай кыраай борокуруорун солбуйааччынан.

Сулууспатын эбээһинэстэрин эҥкилэ суох толоруу иһин элбэхтик бэлиэтэммит, «РФ борокуратууратын бочуоттаах үлэһитэ» түөскэ кэтэр бэлиэлээх уонна Руденко мэтээлинэн наҕараадаламмыт.

Олег Нарковскай кандидатуратын бу иннинэ Ил Түмэн бигэргэтэн турар.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

пять × 2 =