Өрөмүөннээбит массыынатын уорбут

Ааптар: 
Бөлөххө киир:

Дьокуускай куорат полициятын 4 №-дээх отделыгар массыынатын уордарбыт дьахтартан сайабылыанньа киирбит. 

edersaas.ru

Куорат полициятын уоруулары арыйар отделениетын оперативниктара уорбаланааччыны туппуттар — урут сууттана сылдьыбыт 32 саастаах киһини.

Барыллаан быһаарыынан, бу киһи быһылаан тахсыа хас да күн иннинэ дьахтар массыынатын электрикатын өрөмүөннээбит. Ол оҥоро сылдьан, массыына иһиттэн иммобилайзеры уонна иккис күлүүһү сойбоппут.

Ол уорбут күлүүһүнэн арыйан, түүн массыынаны тэлгэһэттэн күрэтэн, куорат түгэҕэр олорор билэр киһитин гарааһыгар илдьэн кистээбит. Массыынаны саппаас чаастарынан атыылыыр санаалааҕа табыллыбатах.

Массыынаны хаһаайкатыгар төннөрбүттэр.

Бу чахчынан РФ Холуобунай кодексатын 166-с ыст. 1 чааһынан, ол эбэтэр, массыынаны күрэтии бэлиэтэ баарынан, холуобунай дьыала тэриллибит. Уорбаланааччы ИВС хаайыллыбыт.

Бу туһунан СӨ ИДьМ-тын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн.

+1
0
+1
0
+1
0
+1
0
+1
0
+1
0
+1
0