Өрөбүллэргэ — санитарнай ыраастаныы күннэрэ

Бөлөххө киир:

Дьокуускайга мэр Сардаана Авксентьева бэс ыйын 6-7 күннэрин санитарнай ыраастаныы күннэринэн биллэрдэ.

edersaas.ru

Ааспыт өрөбүллэргэ ыытыллыбыт санитарнай ыраастаныы үчүгэй түмүктээҕин бэлиэтээн туран, киин куоракка коронавируһунан ыалдьыы балаһыанньата бөрүкүтэ суоҕунан, бу ньыманы хатылыырга быһаарыныы ылбыттара.

Онон, субуотаҕа уонна өрөбүлгэ уопсастыбаннай тырааныспар үлэтэ тохтуур. Оптуобустары дезинфекциялыахтара.

Бэс ыйын 7 күнүгэр бары тэрилтэлэргэ санитарнай ыраастаныы үлэтэ ыытыллар. Бэс ыйын 6 күнүттэн бэнидиэнньик сарсыардатыгар диэри бары маҕаһыыннар, кууһунан атыылыыр базалар үлэлээбэттэр. Бородуукта маҕаһыыннара бэс ыйын 6 күнүттэн күнүс 4 чаастан бэс ыйын 8 күнүгэр сарсыарда 8 чааска диэри үлэлээбэттэр.

Сынньалаҥ, култуура паарката өрөбүл күннэргэ эмиэ сабыллар.

Дьокуускайтан киирэр-тахсар суолларга ГИБДД үлэһиттэрэ туруохтара. ИДьМ управлениетын үлэһиттэрэ куорат олохтоохторо бу эрэсиими төһө тутуһалларын бэрэбиэркэлиэхтэрэ. Онон дьиэҕитигэр олоруҥ, бэйэҕитин, чугас дьоҥҥутун харыстааҥ!

Ангелина Васильева, “Саха сирэ” хаһыат, edersaas.ru

Хаартыска: yakutia-daily.ru

+1
0
+1
0
+1
0
+1
0
+1
0
+1
0
+1
0