Путин Конституцияҕа көннөрүүлэри бэлэмнээһиҥҥэ оробуочай бөлөҕү тэрийдэ
Бэрэсидьиэн “Арассыыйа Федерациятын Конституциятыгар көннөрүүлэри киллэрэр туһунан этиилэри бэлэмнээһиҥҥэ оробуочай бөлөх туһунан” дьаһалга илии баттаата. Докумуон Кремль саайтыгар тахсыбыт.
Оробуочай бөлөххө үс хос бэрэссэдээтэл баар буолуоҕа: Федерация Сэбиэтин Конституция сокуоннаһыгар уонна судаарыстыбаннай тутууга кэмитиэтин бэрэссэдээтэлэ Андрей Клишас, Судаарыстыбаннай Дуума судаарыстыбаннай тутууга уонна сокуоннаска кэмитиэтин бэрэссэдээтэлэ Павел Крашенинников, Бырабыыталыстыба иһинэн Сокуоннас уонна быраабы тэҥнээн оҥорууга институтун дириэктэрэ Талия Хабриева.
Төрүт сокуоҥҥа көннөрүүлэри киллэриини 70-тан тахса араас идэлээх дьон бэлэмниэхтэрэ. Кинилэр ортолоругар, холобур, юристар уонна парламентарийдар эрэ буолбакка, эрэгийиэннэр сокуону оҥорор мунньахтарын баһылыктара, аһымал пуондалар салайааччылара Елена Алышанская уонна Лев Амбиндер, “Кыайыы волонтердара” хамсааһын киин штабын баһылыга Ольга Амельченкова, Норуот фронун, урбаанньыттар түмсүүлэрин уонна идэлээх сойуустар федерацияларын, бэтэрээннэр тэрилтэлэрин бэрэстэбиитэллэрэ, биллиилээх эмчиттэр – Лео Бокерия уонна Леонид Рошаль, спортсменнар, култуура диэйэтэллэрэ, мусукааннар (пианист Денис Мацуев), Бүтүн Арассыыйатааҕы казачей уопсастыба атамаана Николай Долуда уо.д.а. бааллар.
Хаартыска: Антон Новодережкин /ТАСС
Кира Латухина, “Российская газета” хаһыат
Бэлэмнээтэ: Женни Стрюкова