Прокопий Рахлеев: «Төлөн» улахан кирбиини ылла»...
Олох-дьаһах

Прокопий Рахлеев: «Төлөн» улахан кирбиини ылла»

Ыам ыйын 27 күнүгэр, СӨ Ил Дархана Айсен Николаев Ил Түмэн пленарнай мунньаҕар,  ааспыт сылга судаарыстыбаннай былаас ситэриилээх уорганнарын үлэтин-хамнаһын туһунан отчуота куйаар ситиминэн ыытылынна.  

edersaas.ru

Таатта улууһугар Харбалаахха «Төлөн» ААУо салайар Прокопий Рахлеев санаатын үллэһиннэ:

Бүгүн Ил Дархан Айсен Сергеевич Николаев  Ил Түмэҥҥэ  отчуотун сэҥээрэн, сэргээн иһиттим. Айсен Сергеевич икки сыл анараа өртүгэр, Ил Дархан дуоһунаһыгар талыллаат, Таатта улууһугар, чуолаан «Төлөн» чох разреһыгар кэлэн үлэни-хамнаһы сиһилии билсибитэ. Кини тус бэйэтин көҕүлээһининэн, биһиги тэрилтэбитигэр геолого-разведочнай үлэ барара ситиһиллибитэ. Бу сылга ол үлэ түмүгэ биллиэхтээх. Оттон 2019 сыл түмүгүнэн «Төлөн» АУо улахан кирбиини ылла. Сыл түмүгүнэн 203 тыһыынча туонна чох хостонно.

Айсен Сергеевич кыһамньытынан, сатабыллаах салалтатынан, өрөспүүбүлүкэ үлэлэрин бары хайысхаларыгар, бырамыысыланнаска, тутууга, суолга-иискэ, тыа, олох-дьаһах коммунальнай хаһаайыстыбатыгар, о.д.а. биллэр хамсааһыннар тахсыбыттара биһигини үөрдэр. Үлэ-хамнас тохтообокко тэтимнээхтик, дьулурҕатын уонна хорутуулаахтык салҕанара, кини сатабыллаахтык салайааччы буоларын көрдөрөр. Ил Дархаммыт Айсен Сергеевич ыытар үлэтин сөптөөҕүнэн ааҕабын. Итиэннэ бары биир сомоҕо буолан туох баар харгыстары, ыарахаттары этэҥҥэ ааһыаҕыҥ диэн ыҥырабын, — диэтэ.

edersaas.ru

2
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

13 + двадцать =