Ыам ыйын 31 күнүгэр «Биир ньыгыл Арассыыйа» бэлитиичэскэй баартыйаҕа барыллаан куоластааһын, праймериз, ыытылынна.
Барыллаан куоластааһын 20 оройуон 79 муниципальнай тэриллиитигэр ыытылынна. Ол курдук Аллайыахаҕа, Аммаҕа, Булуҥҥа, Үөһээ Халымаҕа, Дьааҥыга, Кэбээйигэ, Мэҥэ Хаҥаласка, Мииринэйгэ, Нерюнгрига, Аллараа Халымаҕа, Ньурбаҕа, Өлүөхүмэҕэ, Орто Халымаҕа, Сунтаарга, Томпоҕо, Уус Алдаҥҥа, Уус Маайаҕа, Усуйаанаҕа, Чурапчыга, Эбээн Бытантайга. Уопсайа баһылыкка 122 кандидат уонна депутакка 566 кандидат турда.
Баартыйа Сунтаар уонна Амма улуустарын баһылыгар кандидаттарын быһааран, Аммаҕа билигин үлэлии олорор баһылык Николай Архипов, онтон Сунтаарга эмиэ билиҥҥи баһылык Анатолий Григорьев кыайдылар.
Барыллаан куоластааһын кэмигэр «Биир ньыгыл Арассыыйа» баартыйаттан 56 муниципальнай тэриллиигэ уонна 52 муниципальнай тэриллии бэрэстэбиитэллээх уорганнарыгар депутакка кандидаттар билиннилэр.
«Биир ньыгыл Арассыыйа» Саха сиринээҕи салаатын пресс-сулууспата