Саха Өрөспүүбүлүкэтигэр килиэккэлээх кыылы иитиигэ идэтийэр хаһаайыстыбалартан саамай бөдөҥнөрө «Покровскайдааҕы кыылы иитэр пиэрмэ» ХЭУо буолар. Манна өрөспүүбүлүкэ кырымахтаах хара саһылын 65 % иитиллэр.
edersaas.ru
Арктика дьыалаларыгар судаарыстыбаннай кэмитиэт бу хаһаайыстыба туруктаах буолуутугар күүскэ үлэлэһэр. Ол курдук, былырыын манна Тверь куораттан Саватьевскайдааҕы кыылы иитэр племенной хаһаайыстыбаттан 230 ыччат саһыл аҕалыллыбыта. Билигин кыыллар килиэккэлэрэ турар былаһааккаларыгар өрөмүөн уонна саҥардыы үлэтэ ыытыллар. Былаан быһыытынан, 400 хара саһылга анаммыт щедтэр тутуллуохтаахтар.
Арктика дьыалаларыгар судаарыстыбаннай кэмитиэт бэрэссэдээтэлэ Прокопий Николаев бу күннэргэ хаһаайыстыбаҕа сылдьан, үлэ-хамнас хайдах баран иһэрин, саһыллар туруктарын билистэ, үлэһиттэри кытары көрсөн, хаһаайыстыба инники былааннарын, уопсайынан салааны сайыннарыы саҕахтарын туһунан кэпсэттэ.
Раиса Сибирякова, «Саха сирэ» хаһыат, edersaas.ru
+1
+1
+1
+1
+1
+1
+1