Полицейскай тииһин тосту охсон сууттаннылар

Ааптар: 
Бөлөххө киир:

Ньурба улууһугар полиция үлэһиттэригэр саба түспүт уолаттарга суут бириигэбэрэ таҕыста.

edersaas.ru

Суут быһаарбытынан, саҥа сыл үүнээтин, ол эбэтэр, 2018 сыл тохсунньу 1 күнүгэр, бу уолаттар биир дьиэҕэ арыгылыы олорбуттар. Бу дьиэҕэ куруук иһэр-аһыыр хампаанньалар мусталларын иһин, ыаллара полицияны ыҥырбыттар.

Ыҥырыынан кэлбит икки полицейскай кыбартыыраҕа киирбиттэригэр, бу уолаттар кинилэргэ саба түспүттэр — биирин тииһин тосту саайбыттар, иккиһин анньыалаан подъезка таһаарбыттар.

Полиция эбии нэрээтэ кэлэн, уолуктарынан тыыммыт урдустары тутан, дьуһуурунай чааска илдьибит.

Суут мунньаҕар сууттанааччылар буруйдарын ончу билиммэтэхтэр.

Ол да буоллар, РФ Холуобунай кодексатын 318-с ыст. 1 чааһынан көрүллүбүт буруйдара дакаастанан, суут кинилэри 2 уонна 3 сылга көҥүллэрин быһары усулуобунайынан ааҕан, 2 уонна 3 сылга тургутар болдьоххо уурда.

Бириигэбэр сокуоннай күүһүгэр киирэ илик, өрүттэр ааһыныахтарын сөп.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Хаартыска: интэриниэттэн

+1
0
+1
0
+1
0
+1
0
+1
0
+1
0
+1
0