П.А. Ойуунускай аатынан Саха академическай тыйаатырын дириэктэринэн Петр Тимофеевич Макаров ананна диэн СӨ Култуураҕа уонна духуобунай сайдыыга министиэристибэтэ иһитиннэрбитин yakutia-daily.ru саайт суруйар.
Тустаах бирикээс 2020 сыл сыл муус устар 30 күнүгэр тахсыбыт.
Петр Тимофеевич Макаров 1981 сыллаахха атырдьах ыйын 12 күнүгэр Саха АССР Орджоникидзевскай оройуонун Улахан Аан нэһилиэгэр күн сирин көрбүт
2002 сыллаахха М.С. Щепкин аатынан Үрдүкү театральнай училищены бүтэрбит, онтон 2007 сыллаахха Москваҕа «Г.Г. Дадамян оскуолата» чааһынай эбии үөрэхтээһин тэрилтэтигэр үөрэммит.
2002 сылтан П.А. Ойуунускай аатынан Саха академическай тыйаатырга артыыһынан, дириэктэри тыйаатыр сүрүн боппуруостарыгар солбуйааччынан үлэлээбит.
Бу иннинэ тыйаатыры 1998 сылтан РФ үтүөлээх артыыһа, СӨ норуодунай артыыһа Анатолий Павлович Николаев салайбыта. Кини бэйэтин баҕатынан бу сыл муус устар 20 күнүгэр үлэлээн бүппүтэ.
Хаартыскалар — news.myseldon.com
sakhatheatre.ru уонна саайтартан.