Педофил 17 сылга хаайыыга барда
Бэрээдэк - Олох-дьаһах

Педофил 17 сылга хаайыыга барда

Сайтпытыгар 2018 сыл ахсынньы 18 күнүгэр «Алта саастаах оҕону күүһүлээһиҥҥэ уорбаланааччыны туттулар» диэн иһитиннэрии бэчээттэммитэ. РФ Силиэстийэлиир кэмитиэтин Саха сиринээҕи управлениета иһитиннэрбитинэн, бу холуобунай дьыалаҕа суут бириигэбэрэ тахсыбыт. 

edersaas.ru

Суут быһаарбытынан, 2018 сыл ахсынньы 18 күнүгэр Сунтаар улууһун биир сэлиэнньэтигэр 34 саастаах киһийдэх биир ыалга ыалдьыттыыр аатыран, дьиэлээх хаһаайыны кытта арыгы испиттэр.

Ол арыгылыы олорон кыыһырсыбыттар, онуоха ыалдьыт дьиэлээх киһини кырбаабыт. Кыракый кыыс барахсан аҕатын көмүскэһэ сатаабыт.

Онуоха бу баҕайы дьиэҕэ атын дьон суоҕунан уонна хаһаайын өйүн сүтэрбитинэн туһанан, оҕону күүһүлээн баран, атахха биллэрбит.

Үлэтиттэн кэлбит ыал ийэтэ туох буолбутун көрөөт, быраабы араҥаччылыыр уорганнарга тыллаабыт. Оперативниктар уорбаланааччыны дьиэтиттэн туппуттар.

Доппуруос кэмигэр уорбаланааччы оҕону күүһүлээбитин мэлдьэспит, сексуальнай хабааннаах дьайыылары эрэ оҥорбутум диэбит.

Силиэстийэ быһаарбытынан, бу ыал аас-туор олохтоох, иһэр-аһыыр, полицияҕа учуокка турар эбит.

Суут бу киһийдэҕи РФ Холуобунай кодексатын 131-с ыст. 4-с чааһын «б» пуунунан уонна 132-с ыст. 4-с чааһын «б» пуунунан буруйдааҕынан билинэн, 17 сылга кытаанах эрэсиимнээх холуонньаҕа көҥүлүн быһарга уурда. Манна эбии 2 сылга көҥүлэ хааччахтанар.

Биһиги корр., «Саха сирэ» хаһыат, edersaas.ru

Хаартыска: РФ СК ССУ уонна интэриниэттэн.

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

20 + восемнадцать =