Паром үлэтин «Best Parom» сыһыарыы сырдатыаҕа
Олох-дьаһах

Паром үлэтин «Best Parom» сыһыарыы сырдатыаҕа

Быйыл  улахан болҕомто паромунан сырыы кэмигэр автоматизированнай иһитиннэрэр тиһиги олоххо киллэриигэ ууруллуоҕа.

edersaas.ru

Бу туһунан өрөбүл күҥҥэ ыытыллыбыт бырабыыталыстыба көһө сылдьар мунньаҕар СӨ бырабыыталыстыбатын бэрэссэдээтэлэ Владимир Солодов бэлиэтээн эттэ.

 

Паром саамай туолар күннэригэр — Дьокуускайтан бээтинсэ киэһээ уонна өрөбүлгэ Аллараа Бэстээхтэн аттанар паромнарга уочараты аҕыйатар инниттэн анал иһитиннэрэр өҥө — «Best Parom»  сыһыарыы олоххо киирдэ.  Бүгүҥҥү күҥҥэ биир эрэ паром туһунан иһитиннэрии баар. Бу күннэргэ өссө икки паром бэйэлэрин чахчыларын чуолкайдаан баран, сыһыарыыга эбиллиэхтэрэ. Онон паром сырыытын дьон-сэргэ онлайн-эрэсииминэн көрө-истэ, билсэ олоруохтара.

Паром сырыытыгар тирээн турар боппуруоһу быһаарар сорук үгүс. Ол ону кылгас кэм иһигэр быһаара охсор уустук. ГИБДД үлэһиттэрэ паромнар хаһаайыннарын кытта бииргэ үлэлэһэн, субулла турар массыыналары бэрээдэктииргэ кэккэ дьаһаллары ылаллар. Бу туһунан иһитиннэрии барыта «Best Parom» сыһыарыыга тахса туруоҕа, — диэн бэлиэтээтэ Владимир Солодов.

 

Бырабыыталыстыба бэрэссэдээтэлэ каассаҕа уочаракка туран, билиэт атыылаһан баран:

Дьокуускай — Аллараа Бэстээх  хайысхатынан паромунан сырыы билиэтин сыаната үрдээбэтин туһугар эмиэ үлэлэһэбит. Онон кэккэ сылларга сыана кэнники үс сыллааҕы оннунан хаалыаҕа. Ол курдук, пассажир билиэтин сыаната 120 солкуобай — диэн иһитиннэрдэ.

«Дьокуускай» өрүс порда — Аллараа Бэстээх  маршрутунан 20 «Волжанка» катер дьону таһар. «ЛенаТранс» ХЭУо бэс ыйын 4 күнүттэн  эбии  8 «Марлин» катеры үлэлэтиэҕэ.

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа ааптар түһэриитэ.

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

1 × 2 =