Паром үлэтэ хапытаантан тутулуктаах
Олох-дьаһах

Паром үлэтэ хапытаантан тутулуктаах

СӨ бырабыыталыстыбатын бэрэссэдээтэлэ Владимир Солодов өрөбүл күн паром үлэтин сырыытын бэрэбиэркэлиир көһө сылдьар хамыыһыйа  мунньаҕын «Паром-8» уунан сылдьар аалга ыытта.

edersaas.ru

Мунньаҕы сырдатыыга тэлэбиидэнньэ, хаһыат, интэриниэт-таһаарыылар суруналыыстара кыттыыны ыллыбыт. «Паром-8» уунан сылдьар аал ол күн суруналыыстар болҕомтолорун киининэн буолла.

Көҥүл ылбыт дьон быһыытынан, иһирдьэнэн-таһырдьанан,  үөһэнэн-аллараанан сүүрэкэлээн, ону-маны билиэн көрүөн баҕалаах дьон, саҥа өрөмүөннэммит кырааска сыттаах парому барытын «бэрэбиэркэлээтибит», баҕабыт ханыар диэри видеоҕа уһуллубут, хаартыскаҕа түһэрдибит.

Паром хапытаана Дмитрий Лавровы кытта анаан көрсөн кэпсэттибит.

Дьокуускайдааҕы өрүс флотун училищетын бүтэрэн баран, Новосибирскайдааҕы уу тырааныспарын академиятыгар үөрэхпин үрдэтиммитим. Өлүөнэ өрүһүнэн 12 сыл устабын. Хапытаанынан үлэлээбитим үһүс сыла.

Быйылгы навигацияны  ааспыт нэдиэлэттэн саҕалаабыппыт. Навигация биллэриллиэн инниттэн тустаах докумуоннары кэмигэр бэлэмнээн көмүскээбиппит. Быйыл 8 рейсэ оннугар 10-ну оҥордубут. Расписаниебыт уларыйбата — сарсыарда 6 чаастан түүн 12 чааска диэри сылдьыахпыт, — диэн иһитиннэрдэ хапытаан Дмитрий Лавров. 

Биллэн турар, ханнык баҕарар уунан устар аал үлэтэ-хамнаһа хапытааныттан тутулуктаах. Дмитрий Лавровка быйылгы сезона этэҥҥэ ситиһиилээхтик ааһарыгар баҕарабыт!

Елена ПОТОЦКАЯ, «Саха сирэ» хаһыат, edersaas.ru

Хаартыскаҕа ааптар түһэриитэ

1
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

два × 3 =