Бүгүн, балаҕан ыйын 13 күнүгэр, Арассыыйа үрдүнэн парикмахер күнүн бэлиэтиибит. Саха сиригэр баттаҕы кырыйар, бүрүчүөскэ оҥорор дьонунан ТОП оҥордубут.
Вера Поликарпова
Вераҕа кыргыттар фотосессиялаары эбэтэр сыбаайбаларыгар баттахтарын оҥоттороллор. Парикмахер кыыс ордук табыллан баттаҕы эрийэрин иһин социальнай ситимнэргэ “Богиня локона” диэн ааттыыллар. Маны таһынан, Вера бүрүчүөскэ оҥорорго үөрэтэр, араас маастар-кылаастары ыытар.
Николай Исак
Николай – парикмахер, стилист, визажист. Кини бүрүчүөскэ оҥорууга араас норуоттар икки ардыларынааҕы таһымнаах куонкурустар кыайыылаахтара буолар. Дьокуускайга солуон арыйан үлэлэтэр.
Дмитрий Васильев
Дмитрий Васильевка эстрадабыт ырыаһыттара баттахтарын оҥоттороллор. Арассыыйаҕа киэҥник биллэр ырыаһыт Шура Дмитрий үлэтин хайҕаабыта, бэйэтэ оҥотторон көрбүтэ. Дмитрий быйыл айар үлэтин 18 сылыгар анаан шоу тэрийбитэ.
Евгения Гунина
Евгения “Мисс виртуальная Якутия-2011” күрэхтэһии кыайыылааҕа, Арассыыйаҕа биллэр модель уонна баттаҕы оҥорор солуон хаһаайката. Солуоҥҥа баттаҕы эмтииллэр, чөлүгэр түһэрэллэр, кырааскалыыллар.
Зулияна Павлова
Зулияна дьахтар уонна эр киһи бүрүчүөскэтин оҥорор, кырааскалааһын араас тиэхиньикэтин баһылаабыт. Кини “Инстаграмҥа” страницатыгар баттаҕы сөпкө көрүнэргэ сүбэлэри суруйар. Дьокуускайга солуоннаах.
edersaas.ru