Оттооһун: 12 тыһыынча 229 туонна кэбиһилиннэ

Ааптар: 
Бөлөххө киир:

От ыйын 18 күнүнээҕи туругунан, өрөспүүбүлүкэ үрдүнэн 12 тыһ. 229 т от кэбиһилиннэ.

edersaas.ru


Киин уонна илин эҥээр улуустарга бэс ыйыгар ардаабатаҕа окко-бурдукка охсуулаах буолла. Уус Алдан улууһа 33 тыһ. 315 туоннаны оттуур сорудахтаах этэ да, 29 тыһ. т оту хааччынар кыахтаах.Үүнүү ордук Өлтөх, Суотту, Бэрт Ууһун уонна Лөгөй нэһилиэктэригэр мөлтөх. Сиилэскэ сорудах 100 %, сенажка 50 % толоруллуон сөп. Күн бүгүн улуус үрдүнэн 1 тыһ. 665 туонна от чөкөтүлүннэ. Уон мобильнай биригээдэ тэриллэн, ыраах учаастактарынан биир тыһыынча туоннаны оттуур соруктаннылар. Мэҥэ Хаҥалас улууһун тоҕус нэһилиэгэр үүнүү мөлтөх. Сиилэскэ, сенажка сорудах толоруллар кыахтаах. Билиҥҥитэ 735 туонна от оттонно.

Дьааҥы улууһа 11 тыһ. т былааннааҕыттан 40 % хааччынар туруктаах. Хаһаайыстыбалар ыраах учаастактарга баран оттуохтарын, онно тиийэр итиэннэ онтон оту тиэйэн аҕалар уустуга мэһэйдиир.

Мобильнай биригээдэлэринэн өрөспүүбүлүкэ үрдүнэн 22 тыһ. 279 т оту оттуур сорук турар. Ити иһиттэн 15,5 тыһ. туоннаны улуустар бэйэлэрин хааччынарга, 6,7 тыһ. туоннаны саппааска анаан оттуохтара. Бу биригээдэлэри тэрийэргэ 51 мөл. 273 тыһ. солк ирдэнэр. Билиҥҥитэ атыыга анаан Үөһээ Бүлүү (2 тыһ.), Бүлүү (1,5 тыһ.), Кэбээйи (1 тыһ.), Ньурба (1,5 тыһ.), Өлүөхүмэ (500) уонна Хаҥалас (200 туоннаны) оттуурга бэлэмнэрин биллэрдилэр.

Раиса Сибирякова, «Саха сирэ» edersaas.ru

+1
0
+1
0
+1
0
+1
0
+1
0
+1
0
+1
0