Отчуот сыыппаралара чуолкайданыахтара

Бөлөххө киир:

Бүгүн, тохсунньу 27 күнүгэр,   СӨ  бырабыыталыстыбатын сүбэ-мунньаҕар  СӨ  ситэриилээх былааһын  2019 сыллааҕы үлэтин түмүгүн   туһунан сүрүн иһитиннэриини  экэниэмикэ миниистирэ  Майя Данилова  оҥордо.

edersaas.ru

Отчуот түмүгүнэн, өрөспүүбүлүкэҕэ   2019  сылга  национальнай бырайыактартан ураты, Арктиканы уонна  тыа сирин сайыннарар бырагыраамалар күүскэ үлэлээн, өрөспүүбүлүкэ экэнэмиичэскэй сайдыыта Уһук Илин эрэгийиэнигэр бастакы көрдөрүүлээҕин,  онтон Арассыыйаҕа 20 иһигэр киирэрэ  бэлиэтэннэ. Кэлбит сылга  олорор усулуобуйаны тупсарыыга, суол-иис оҥоһуллуутугар,  дьадайыыны утары үлэҕэ болҕомто ууруллуоҕа диэн Майя Данилова эттэ. Ону таһынан, өрөспүүбүлүкэҕэ 16 авиапорт тупсарыллара, ГРЭС-II иккис уочаратын тутуу, Сунтаар-Ньурба үрдүк күүрүүлээх уот лиинийэтэ оҥоһуллара былааннанарын туһунан кэпсээтэ.   2019 сыл ситиһиитинэн Марха өрүс муостата тутуллан үлэҕэ киириитэ  уонна Өлүөнэ өрүһү туоруур муоста, дойду бэрэсидьиэнин өйөбүлүн ылан,  федеральнай былааҥҥа киириитэ ааттанна.

2019 сылга Уһук Илин гектарын ыларга биир тыһыынча сайабылыанньа киирбит. Бу үлэ салгыы ыытыллыаҕа.

Бырабыыталыстыба бэрэссэдээтэлэ Владимир Солодов отчуокка улуустарынан көрдөрүү эбии оҥоһуллуон наадатын ыйда. Кэпсэтии түмүгүнэн, отчуот күнэ бу кэлбитинэн, сыыппаралары чуолкайдааһын ыытыллыахтаах диэн буолла.

Ньургуйаана Иванова, «Саха сирэ» хаһыат, edersaas.ru

Хаартыска Sakha.gov.ru

+1
0
+1
0
+1
0
+1
0
+1
0
+1
0
+1
0