Оскуоланы бүтэрээччилэр информационнай технологияны талаллар...
Олох-дьаһах - Эдэр саас

Оскуоланы бүтэрээччилэр информационнай технологияны талаллар

Быйыл оскуоланы бүтэрээччи 20 бырыһыана информационнай технология бакылтыатыгар докумуонун туттарар былааннаах. Ити туһунан “Российская газета” сайт ыйытык түмүгүнэн RT сигэнэн суруйар.

edersaas.ru

Ол курдук, үөрэнээччи 12 бырыһыана мэдиссиинэҕэ туттарсар санаалаах эбит. Онтон экэнимикэ, юридическай уонна механико-математическай бакылтыаттар диэн хоруйдаабыттар.

Гуманитарнай бакылтыакка уонна омук тылын 6 бырыһыан оҕо талбыт. Физическэй бакылтыаты 5 бырыаһыан, биологияны 4 бырыһыан ыйытыкка кыттыбыт оҕолор сэҥээрэллэрин биллэрбиттэр.

Историяҕа, химияҕа, филологияҕа уонна географияҕа талаһар оҕо саамай аҕыйах эбит.

Ыйытыкка хоруйдаабыт 10 бырыһыан оҕо атын хайысханы талар санаалаахтара көстүбүт. Онтон 3 бырыһыан быйыл үрдүк үөрэххэ туттарсыбаппын диэн суруйбуттар. Үрдүк үөрэххэ талаһар оҕо 90 бырыаһыана бүддьүөккэ киирэргэ суоттанарын ыйбыт.

Санатан эттэххэ, быйыл дойду үрдүнэн оскуоланы 692 тыһыынча оҕо бүтэрэр. Саха сиригэр ити сыыппара 7948-ка тэҥнэһэр, итинтэн 6364 үрдүк үөрэххэ туттарсар санаалаах.

 

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш e-mail не будет опубликован.

2 × один =