РФ Үөрэх министиэристибэтэ оскуолалар тохсунньуга диэри элбэх киһини түмэр маассабай тэрээһиннэри тэрийбэттэригэр сүбэлиир.
«Россия 1» телеханаалга Билии күнүгэр бэлэмнэнии үлэни министиэристибэ саҕалаабытын РФ үөрэх миниистирэ Сергей Кравцов иһитиннэрбит. Маныаха кини оскуолаларга дезинфекциялар ыытыллыахтара, киириигэ температуралары мээрэйдиэхтэрэ, балаҕан ыйыгар икки бастакы нэдиэлэҕэ хас биирдии үөрэх кыһатыгар мэдиссиинэ үлэһитэ дьуһуурунайдыаҕа диэн бэлиэтээбитин «Интерфакс» иһитиннэрэр. Маны таһынан, атырдьах ыйыттан «Артек», «Орленок», «Океан», «Смена» лааҕырдар атын эрэгийиэннэртэн оҕолору ылыылара эпидемиологическай балаһыанньаттан тутулуктаныаҕын ыйбыт.
Оттон премьер-миниистир Михаил Мишустин оҕолор оскуолаҕа тиийэн үөрэниилэрин боппуруоһун атырдьах ыйын 20 күнүгэр эрэгийиэннэр бэйэлэрэ быһаарыахтарын туһунан от ыйыгар бэлиэтээбитэ.
+1
+1
+1
+1
+1
+1
+1