Дьокуускай куорат 21 №-дээх оскуолатын кадетскай кылааһын иитиллээччилэрэ РФ Накаастабылы толорор федеральнай сулууспатын Саха сиринээҕи управлениетын «Белый медведь» спецназ отделыгар сырыттылар.
edersaas.ru
РФ Накаастабылы толорор федеральнай сулууспатын Саха сиринээҕи управлениетын пресс-сулууспата иһитиннэрбитинэн, спецназ базатыгар оҕолорго анаан экскурсия тэрийбиттэр.
Ол кэнниттэн араас сэби-сэбиргэли көрдөрбүттэр. Биллэн турар, ол оҕолорго ордук интэриэһинэй буолбут — снайперскай бинтиэпкэни, аныгы бэстилиэттэри тутан-хабан көрбүттэр, кааскалары, бронжилеттэри кэтэн көрбүттэр.
Көрсүһүү бүтүүтүгэр, эр санааланыы уруога ыытыллыбыт. Онно спецназ байыастара этэрээт хайдах тэриллибитин, сулууспаларын туһунан кэпсээбиттэрин оҕолор бэркэ сэргээн истибиттэр.
Үүнэр көлүөнэни төрөөбүт дойдуну таптыырга уһуйарга туһуламмыт маннык тэрээһини «Белый медведь» этэрээтэ тиһигин быспакка ыытар.
Биһиги корр., «Саха сирэ» хаһыат, edersaas.ru
Хаартыскалар: РФ Накаастабылы толорор федеральнай сулууспатын Саха сиринээҕи управлениетын пресс-сулууспата.
