СӨ Ил Дархана Айсен Николаев бүгүн тэлэбиисэринэн быһа сибээскэ тахсан, анал туһаайыытын тиэртэ. Манна кини быйыл оскуоланы бүтэрээччи хас биирдиитэ 5 тыһыынча солкуобайы тутуоҕун эттэ.
edersaas.ru
«РФ Төрүт сокуонугар куоластааһыны тэрийиини сэргэ, биирдэстэринэн оҕолор биир кэлим эксээмэни (ЕГЭ) ситиһиилээхтик туттарыылара буолар. Бары түмсэн, эпидемия олоххо саҥа үктэнэн эрэр оҕолорго мэһэйдээбэтин, инники былааннарын алдьаппатын курдук кыаллары барытын оҥоруохтаахпыт.
Билиҥҥи курдук «экстремальнай» усулуобуйаҕа улахан олоххо бастакы хардыыларын оҥорор оҕолорбутугар — 2020 сылга хас биирдии оскуоланы бүтэрээччигэ, бу Саха сиригэр 8 тыһыынча кэриҥэ оҕо, 5-тии тыһыынча солкуобайы ыларыгар быһаардым. Бу төһө даҕаны улахан суума буолбатаҕын иһин, кэскиллэрбитигэр болҕомтонон буоллун», — диэн эттэ.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1